ਨਿਊਜ਼ੀਲੈਂਡ ‘ਚ ਲਗਾਤਾਰ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਿੱਤਾ ਜਾ ਰਿਹਾ ਹੈ। ਬੀਤੀ ਰਾਤ ਇੱਕ ਵਾਰ ਫਿਰ ਤੋਂ ਕਈ ਵਾਰਦਾਤਾਂ ਵਾਪਰੀਆਂ ਹਨ, ਦਰਅਸਲ ਇਹ ਸਾਰੀਆਂ ਵਾਰਦਾਤਾਂ North Shore ‘ਚ ਵਾਪਰੀਆਂ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਪਰਨ ਕ੍ਰੇਸੈਂਟ, ਨੌਰਥਕੋਟ ਵਿੱਚ ਤਿੰਨ ਕਾਰੋਬਾਰਾਂ ਨੂੰ ਪਹਿਲਾਂ ਨਿਸ਼ਾਨਾ ਬਣਾਇਆ ਗਿਆ ਸੀ। ਅੱਜ ਸਵੇਰੇ ਢਾਈ ਵਜੇ ਦੇ ਕਰੀਬ ਘੱਟੋ-ਘੱਟ ਇੱਕ ਦੁਕਾਨ ਨੂੰ ਤੋੜਨ ਲਈ ਇੱਕ ਟੋਇਟਾ ਫੀਲਡਰ ਦੀ ਵਰਤੋਂ ਕੀਤੀ ਗਈ ਸੀ।
ਫਿਰ 20 ਮਿੰਟ ਬਾਅਦ, ਵੈਰੋ ਵੈਲੀ ਵਿੱਚ ਇੱਕ ਕਾਰੋਬਾਰ ਦੀਆਂ ਖਿੜਕੀਆਂ ਅਤੇ ਕਾਂਸਟਲੇਸ਼ਨ ਡਰਾਈਵ ‘ਤੇ ਇੱਕ ਰੈਸਟੋਰੈਂਟ ਦੇ ਸ਼ੀਸ਼ੇ ਤੋੜ ਦਿੱਤੇ ਗਏ। ਪੁਲਿਸ ਇਲਾਕੇ ਦੇ ਸੀਸੀਟੀਵੀ ਫੁਟੇਜ ਦੀ ਸਮੀਖਿਆ ਕਰ ਰਹੀ ਹੈ ਅਤੇ ਕਿਸੇ ਵੀ ਵਿਅਕਤੀ ਨੂੰ ਘਟਨਾ ਦੀ ਜਾਣਕਾਰੀ ਜਾਂ ਡੈਸ਼ਕੈਮ ਵੀਡੀਓ ਨਾਲ ਸੰਪਰਕ ਕਰਨ ਲਈ ਕਹਿ ਰਹੀ ਹੈ।