ਨੌਰਥਲੈਂਡ ਦਾ ਇੱਕ ਵਿਅਕਤੀ ਰਾਤੋ ਰਾਤ ਕਰੋੜਪਤੀ ਬਣ ਗਿਆ ਹੈ। ਦਰਅਸਲ ਵਿਅਕਤੀ ਨੇ $1 ਮਿਲੀਅਨ ਦੀ ਲੋਟੋ ਜਿੱਤੀ ਹੈ। ਇੱਥੇ ਖਾਸ ਗੱਲ ਇਹ ਹੈ ਕਿ ਵਿਅਕਤੀ ਨੂੰ ਇਸ ਬਾਰੇ ਅੰਦਾਜ਼ਾ ਵੀ ਨਹੀਂ ਸੀ, ਕਿਉਂਕ ਵਿਅਕਤੀ ਨੇ ਇੱਕ ਹਫ਼ਤਾ ਪਹਿਲਾ ਟਿਕਟ ਲੈ ਕੇ ਆਪਣੇ ਬਟੂਏ ਵਿੱਚ ਪਾ ਲਈ ਸੀ ਤੇ ਉਸ ਨੂੰ ਇਸ ਬਾਰੇ ਯਾਦ ਵੀ ਨਹੀਂ ਸੀ। ਵਿਅਕਤੀ ਨੇ ਨਾਮ ਨਾ ਦੱਸਣ ਦੀ ਸ਼ਰਤ ‘ਤੇ ਕਿਹਾ ਕਿ ਮੈ ਇੱਕ ਵੰਗਰੇਈ ਸਟੋਰ ਤੋਂ ਟਿਕਟ ਲਿਆਇਆ ਸੀ। ਮੈਂ ਇਸ ਨੂੰ ਆਪਣੇ ਬਟੂਏ ਵਿੱਚ ਪਾ ਲਿਆ ਅਤੇ ਪੂਰੀ ਤਰ੍ਹਾਂ ਇਸ ਬਾਰੇ ਭੁੱਲ ਗਿਆ ਸੀ। ਇੱਕ ਹਫ਼ਤੇ ਬਾਅਦ, ਮੈਨੂੰ ਯਾਦ ਆਇਆ ਕਿ ਮੇਰੇ ਕੋਲ ਇੱਕ ਟਿਕਟ ਸੀ, ਇਸ ਲਈ ਲੋਟੋ ਸਵੈ-ਜਾਂਚ ਮਸ਼ੀਨ ਦੀ ਵਰਤੋਂ ਕਰਨ ਲਈ ਸਟੋਰ ਵਿੱਚ ਆਇਆ।”
ਇਸ ਦੌਰਾਨ ਜਦੋਂ ਮਸ਼ੀਨ ਨੇ ਜੇਤੂ ਸੰਗੀਤ ਵਜਾਇਆ ਅਤੇ ਕਿਹਾ, ‘ਵਧਾਈਆਂ, ਵੱਡਾ ਇਨਾਮ’ ਮੈਂ ਥੋੜ੍ਹਾ ਹੈਰਾਨ ਸੀ! ਬਾਅਦ ਵਿੱਚ ਮੈ ਮਾਈਲੋਟੋ ‘ਤੇ ਡਰਾਅ ਦੇ ਨਤੀਜਿਆਂ ਨਾਲ ਮੇਲ ਕਰਨ ਲਈ ਆਪਣੀ ਪਤਨੀ ਕੋਲ ਘਰ ਗਿਆ। ਮੇਰੀ ਪਤਨੀ ਕਹਿ ਰਹੀ ਸੀ ਕਿ, ‘ਤੁਸੀਂ ਮਜ਼ਾਕ ਕਰ ਰਹੇ ਹੋ!’ – ਅਸੀਂ ਦੋਵੇਂ ਪੂਰੀ ਤਰ੍ਹਾਂ ਅਵਿਸ਼ਵਾਸ ਵਿੱਚ ਸੀ ਕਿ ਸਾਡੇ ਕੋਲ ਇੱਕ ਜੇਤੂ ਲੋਟੋ ਟਿਕਟ ਹੈ।” ਜੋੜੇ ਨੇ ਆਕਲੈਂਡ ਵਿੱਚ ਲੋਟੋ ਦੇ ਮੁੱਖ ਦਫਤਰ ਵਿੱਚ ਇਨਾਮ ਦਾ ਦਾਅਵਾ ਕੀਤਾ ਹੈ।