ਨਿਊਜੀਲੈਂਡ ਦੇ 78 ਸ਼ਹਿਰ, ਜ਼ਿਲ੍ਹਾ, ਖੇਤਰੀ ਅਤੇ ਇਕਾਈ ਕੌਂਸਲਾਂ ਵਿੱਚ 1500 ਤੋਂ ਵੱਧ ਅਹੁਦਿਆਂ ਲਈ ਲਗਭਗ 3500 ਉਮੀਦਵਾਰ ਮੈਦਾਨ ਵਿੱਚ ਹਨ। ਸ਼ੁਰੂਆਤੀ ਨਤੀਜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਵੇਨ ਬ੍ਰਾਊਨ (ਆਕਲੈਂਡ), ਤਾਨੀਆ ਟੈਪਸੇਲ (ਰੋਟੋਰੂਆ), ਨਿੱਕ ਸਮਿਥ (ਨੈਲਸਨ), ਫਿਲ ਮੌਗਰ (ਕ੍ਰਾਈਸਟਚਰਚ), ਅਤੇ ਬੇਨ ਬੈੱਲ (ਗੋਰ) ਦੁਬਾਰਾ ਚੁਣੇ ਗਏ ਹਨ। ਜਦਕਿ ਮੌਜੂਦਾ ਮੈਂਬਰ ਜੂਲਸ ਰੈਡਿਚ (ਡੁਨੇਡਿਨ), ਕਰਸਟਨ ਵਾਈਜ਼ (ਨੈਪੀਅਰ), ਵੇਨ ਗੱਪੀ (ਅਪਰ ਹੱਟ), ਅਤੇ ਸੈਮ ਬ੍ਰਾਊਟਨ (ਸੇਲਵਿਨ) ਵਰਗੇ ਵੱਡੇ ਨਾਮ ਆਪਣੀਆਂ ਸੀਟਾਂ ਬਚਾਉਣ ਵਿੱਚ ਅਸਫਲ ਰਹੇ ਹਨ।
ਪਰ ਇਹਨਾਂ ਨਤੀਜਿਆਂ ਚ ਸਭ ਤੋਂ ਅਹਿਮ ਹਨ ਪੰਜਾਬੀ ਜਿਨ੍ਹਾਂ ਨੇ ਵੱਡੇ ਪੱਧਰ ਤੇ ਮੱਲਾਂ ਮਾਰੀਆਂ ਨੇ ਇਹਨਾਂ ਲੋਕਲ ਚੋਣਾਂ ਦੇ ਵਿੱਚ ਵੱਡੀ ਗਿਣਤੀ ਚ ਪੰਜਾਬੀਆਂ ਨੇ ਜਿੱਤ ਹਾਸਿਲ ਕੀਤੀ ਹੈ। ਨਤੀਜਿਆਂ ਦੀ ਸ਼ੁਰੂਆਤ ਤੋਂ ਹੀ ਵੱਖੋ ਵੱਖ ਥਾਵਾਂ ਤੋਂ ਪੰਜਾਬੀਆਂ ਦੇ ਜਿੱਤਣ ਦੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਨੇ ਜਿਨ੍ਹਾਂ ਨੇ ਨਿਊਜ਼ੀਲੈਂਡ ਦੇ ਵਿੱਚ ਇੱਕ ਨਵਾਂ ਇਤਿਹਾਸ ਰਚਿਆ ਹੈ। ਇਹਨਾਂ ਚੋਣਾਂ ਚ ਮਾਰਸ਼ਲ ਵਾਲੀਆ ਤੋਂ ਇਲਾਵਾਂ ਪਾਪਾਟੋਏਟੋਏ ਤੋ ਜੀਤ ਸਿੰਘ, ਕੁਸਮਾਂ ਨਾਇਰ, ਕੁਨਾਲ ਭੱਲਾ ਅਤੇ ਸੰਦੀਪ ਸੈਣੀ ਨੇ ਜਿੱਤ ਹਾਸਿਲ ਕੀਤੀ ਹੈ।