ਬੀਤੇ ਦਿਨੀ ਮੈਨੂਕਾਊ ਜ਼ਿਲ੍ਹਾ ਅਦਾਲਤ ਵਿੱਚ ਸਿਰਫ਼ 20 ਮਿੰਟ ਚੱਲੀ ਇੱਕ ਸੁਣਵਾਈ ਨੇ ਦੇਸ਼ ਭਰ ‘ਚ ਨਵੀਂ ਚਰਚਾ ਛੇੜ ਦਿੱਤੀ ਹੈ। ਦਰਅਸਲ ਆਕਲੈਂਡ ਦੇ ਓਟਾਰਾ-ਪਾਪਾਟੋਏਟੋਏ ਲੋਕਲ ਬੋਰਡ ਚੋਣਾਂ ‘ਚ ਗੜਬੜੀ ਦੇ ਇਲਜ਼ਾਮਾਂ ਤੋਂ ਬਾਅਦ ਹੁਣ ਇਸ ਮਾਮਲੇ ਦੀ ਸੁਣਵਾਈ ਮੈਨੂਕਾਊ ਜ਼ਿਲ੍ਹਾ ਅਦਾਲਤ ‘ਚ ਹੋ ਰਹੀ ਹੈ। ਪਰ ਪਿਛਲੇ ਦਿਨੀ ਜੱਜ ਰਿਚਰਡ ਮੈਕਇਲਰਾਥ ਨੇ ਇਸ ਮਸਲੇ ‘ਤੇ ਆਪਣਾ ਫੈਸਲਾ ਰਾਖਵਾਂ ਰੱਖ ਲਿਆ ਸੀ ਜੋ ਹੁਣ ਕ੍ਰਿਸਮਸ ਤੋਂ ਪਹਿਲਾਂ ਆਉਣ ਦੀ ਉਮੀਦ ਹੈ।
ਇਸ ਕੇਸ ਦੀ ਸ਼ੁਰੂਆਤ ਉਸ ਸਮੇਂ ਤੋਂ ਹੋਈ ਹੈ ਜਦੋਂ 18 ਅਕਤੂਬਰ ਨੂੰ ਆਕਲੈਂਡ ਦੀਆਂ ਸਥਾਨਕ ਸੰਸਥਾਵਾਂ ਦੀਆਂ ਚੋਣਾਂ ਦੇ ਅੰਤਿਮ ਨਤੀਜੇ ਐਲਾਨੇ ਗਏ ਸਨ। ਕਿਉਂਕ ਇਸ ਜਿੱਤ ਨੂੰ ਹੈਰਾਨੀਜਨਕ ਤੌਰ ‘ਤੇ ਦੇਖਿਆ ਜਾ ਰਿਹਾ ਸੀ। ਕਿਉਂਕ ਵੋਟਾਂ ਦੀ ਗਿਣਤੀ ਉਮੀਦ ਅਤੇ ਕਾਸਟਿੰਗ ਨਾਲੋਂ ਜਿਆਦਾ ਜਾਪ ਰਹੀ ਸੀ। ਅਹਿਮ ਗੱਲ ਇਹ ਵੀ ਹੈ ਕਿ ਸ਼ਹਿਰ ਭਰ ਵਿੱਚ ਮਤਦਾਨ 29% ਤੱਕ ਘੱਟ ਗਿਆ ਸੀ, ਜੋ ਕਿ ਏਓਟੀਆ ਗ੍ਰੇਟ ਬੈਰੀਅਰ ਤੋਂ ਫਰੈਂਕਲਿਨ ਤੱਕ ਹਰ ਵਾਰਡ ਵਿੱਚ ਘਟਿਆ ਸੀ। ਪਰ ਪਾਪਾਟੋਏਟੋਏ ਲੋਕਤੰਤਰੀ ਉਦਾਸੀ ਦੇ ਸਮੁੰਦਰ ਵਿੱਚ ਇੱਕ ਇਕੱਲਾ ਚਮਕਦਾਰ ਸਥਾਨ ਸੀ। ਇਸਦੀ ਸਥਾਨਕ ਬੋਰਡ ਦੌੜ ਵਿੱਚ ਵੋਟਿੰਗ 7.5% ਵਧੀ ਸੀ, ਜੋ ਕਿ ਹਰ ਜਗ੍ਹਾ ਦਿਖਾਈ ਦੇਣ ਵਾਲੇ ਰੁਝਾਨ ਦੇ ਉਲਟ ਸੀ।
ਦੱਸ ਦੇਈਏ ਇਹ ਸੁਣਵਾਈ ਸਾਬਕਾਡਿਪਟੀ ਚੇਅਰ ਲਿਹੋਪੋਆਓਮੇ ਵੀ ਹਾਊਸੀਆ ਦੀ ਪਟੀਸ਼ਨ ਤੋਂ ਬਾਅਦ ਹੋਈ ਹੈ ਜਿਸ ‘ਚ ਦਾਅਵਾ ਕੀਤਾ ਗਿਆ ਸੀ ਕਿ ਵੋਟਿੰਗ ਪੇਪਰ ਘਰਾਂ ਤੋਂ ਚੋਰੀ ਕਰਕੇ ਬਿਨਾਂ ਵੋਟਰ ਦੀ ਮਨਜ਼ੂਰੀ ਦੇ ਭਰੇ ਗਏ ਸਨ। ਜੱਜ ਦੇ ਆਦੇਸ਼ ‘ਤੇ ਪੰਜ ਬੈਲਟ ਬਾਕਸਾਂ ਦੀ ਦੁਬਾਰਾ ਜਾਂਚ ਕੀਤੀ ਗਈ, ਜਿਸ ਦੌਰਾਨ 79 ਵੋਟਾਂ ਨੂੰ ਇਸ ਤਰ੍ਹਾਂ ਕਾਸਟ ਕੀਤਾ ਗਿਆ ਪਾਇਆ ਗਿਆ ਕਿ ਵੋਟਰ ਨੂੰ ਇਸ ਬਾਰੇ ਪਤਾ ਵੀ ਨਹੀਂ ਸੀ। ਇੱਕ ਹੈਰਾਨੀ ਦੀ ਗੱਲ ਇਹ ਵੀ ਸੀ ਕਿ ਕੋਈ ਵੀ ਪੁਰਾਣਾ ਮੈਂਬਰ ਮੁੜ ਨਹੀਂ ਜਿੱਤਿਆ ਸੀ ਜਦਕਿ ਸਾਰੀਆਂ ਚਾਰ ਸੀਟਾਂ ਪਹਿਲੀ ਵਾਰ ਖੜ੍ਹੇ ਹੋਏ ਉਮੀਦਵਾਰਾਂ ਨੇ ਜਿੱਤੀਆਂ ਸਨ। ਹਾਊਸੀਆ ਦੇ ਕੌੰਸਲ ਦਾ ਤਰਕ ਹੈ ਕਿ ਇਹ ਨਤੀਜੇ ਇਤਿਹਾਸਕ ਪੈਟਰਨ ਨਾਲ ਮੇਲ ਨਹੀਂ ਖਾਂਦੇ ਅਤੇ ਇਸ ਕਰਕੇ ਦੁਬਾਰਾ ਚੋਣ ਲਾਜ਼ਮੀ ਸੀ।