ਜੇਕਰ ਤੁਸੀਂ ਆਕਲੈਂਡ ਵਾਸੀ ਹੋ ਅਤੇ ਆਪਣਾ ਘਰ ਬਣਾਉਣ ਦਾ ਸੋਚ ਰਹੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਖਾਸ ਹੈ। ਦਰਅਸਲ ਤਿੰਨ-ਮੰਜ਼ਿਲਾ ਘਰਾਂ ਨੂੰ ਲੈ ਕੇ ਨਿਊਜ਼ੀਲੈਂਡ ਸਰਕਾਰ ਵੱਡਾ ਫੈਸਲਾ ਲੈ ਸਕਦੀ ਹੈ। ਇੱਕ ਰਿਪੋਰਟ ਮੁਤਾਬਿਕ ਆਕਲੈਂਡ ਦੇ ਵਿੱਚ ਹਜ਼ਾਰਾਂ ਘਰ ਅਜਿਹੇ ਜਿਨ੍ਹਾਂ ‘ਤੇ ਤਿੰਨ ਮੰਜ਼ਿਲਾ ਮਕਾਨ ਬਣਾਉਣ ਦੀ ਇਜਾਜ਼ਤ ਸੀ, ਪਰ ਹੁਣ ਇੰਨਾਂ ਦੇ ਮੁੜ ਸਿਰਫ਼ ਇਕੇਹਰੀ ਮੰਜਿਲ ਘਰ ਵਾਲੇ ਇਲਾਕਿਆਂ ਦੀ ਸ਼੍ਰੇਣੀ ਵਿੱਚ ਵਾਪਿਸ ਜਾਣ ਦੀ ਸੰਭਾਵਨਾ ਹੈ। ਰਿਪੋਰਟ ਮੁਤਬਿਕ ਵੀਰਵਾਰ ਨੂੰ ਆਕਲੈਂਡ ਕੌਂਸਲ ‘ਚ ਬਦਲਾਅ ਸਬੰਧੀ ਮਤਾ ਪੇਸ਼ ਕੀਤਾ ਜਾਵੇਗਾ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਫਿਰ ਇਸ ਇਲਾਕੇ ‘ਚ ਰਿਹਾਇਸ਼ੀ ਸੰਕਟ ਹੋਰ ਗੰਭੀਰ ਹੋ ਸਕਦਾ ਹੈ।
