ਅਮਰੀਕਾ ਤੋਂ ਆਕਲੈਂਡ ਆ ਰਹੀ ਇੱਕ ਉਡਾਣ ਦੌਰਾਨ ਇੱਕ ਵਿਅਕਤੀ ਦੀ “ਅਚਾਨਕ ਮੌ* ਤ” ਹੋਣ ਤੋਂ ਬਾਅਦ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਮੀਡੀਆ ਬੁਲਾਰੇ ਨੇ ਮੀਡੀਆ ਨੂੰ ਦੱਸਿਆ ਕਿ ਇਹ ਉਡਾਣ ਨਿਊਯਾਰਕ ਤੋਂ ਆਕਲੈਂਡ ਪਹੁੰਚੀ ਸੀ। ਉਨ੍ਹਾਂ ਕਿਹਾ, “ਪੁਲਿਸ ਮਹਿਲਾ ਦੀ ਮੌਤ ਬਾਰੇ ਕੋਰੋਨਰ ਦੀ ਓਰੋਂ ਜਾਂਚ ਕਰ ਰਹੀ ਹੈ।”
ਇੱਕ ਬਿਆਨ ਵਿੱਚ, ਕਾਂਟਾਸ ਏਅਰਲਾਈਨ ਨੇ Stuff ਨੂੰ ਪੁਸ਼ਟੀ ਕੀਤੀ ਕਿ ਲਗਭਗ 18 ਘੰਟਿਆਂ ਦੀ ਉਡਾਣ ਦੌਰਾਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਸੀ। ਕਾਂਟਾਸ ਦੇ ਬੁਲਾਰੇ ਨੇ ਕਿਹਾ, “ਕ੍ਰੂ ਅਤੇ ਜਹਾਜ਼ ਵਿੱਚ ਮੌਜੂਦ ਡਾਕਟਰਾਂ ਵੱਲੋਂ ਤੁਰੰਤ ਮਦਦ ਦਿੱਤੀ ਗਈ, ਪਰ ਦੁੱਖ ਦੀ ਗੱਲ ਹੈ ਕਿ ਉਹ ਬਚ ਨਹੀਂ ਸਕੇ।” ਉਨ੍ਹਾਂ ਨੇ ਦੱਸਿਆ ਕਿ ਨਿਯਮਤ ਪ੍ਰਕਿਰਿਆ ਅਨੁਸਾਰ, ਜਹਾਜ਼ ਦੇ ਉਤਰਦੇ ਹੀ ਐਮਰਜੈਂਸੀ ਸੇਵਾਵਾਂ ਮੌਕੇ ‘ਤੇ ਮੌਜੂਦ ਸਨ। ਆਕਲੈਂਡ ਏਅਰਪੋਰਟ ਅਤੇ ਸੇਂਟ ਜੌਨ ਨੂੰ ਵੀ ਟਿੱਪਣੀ ਲਈ ਮੀਡੀਆ ਵੱਲੋਂ ਸੰਪਰਕ ਕੀਤਾ ਗਿਆ ਹੈ।