ਅੱਜ ਦੁਪਹਿਰ ਉੱਤਰੀ ਆਕਲੈਂਡ ‘ਚ ਇੱਕ ਘਰ ‘ਚ ਲੱਗੀ ਅੱਗ ਤੋਂ ਇੱਕ ਵਿਅਕਤੀ ਵਾਲ-ਵਾਲ ਬਚਿਆ ਹੈ। ਫਾਇਰ ਐਂਡ ਐਮਰਜੈਂਸੀ (FENZ) ਦੇ ਕਰਮਚਾਰੀ ਚੈਟਸਵੁੱਡ ਵਿੱਚ ਬਾਲਮੇਨ ਰੋਡ ‘ਤੇ ਇੱਕ ਦੋ ਮੰਜ਼ਿਲਾ ਘਰ ਵਿੱਚ ਲੱਗੀ ਅੱਗ ਬੁਝਾ ਰਹੇ ਹਨ। FENZ ਦੇ ਇੱਕ ਬੁਲਾਰੇ ਨੇ ਕਿਹਾ ਕਿ ਉਨ੍ਹਾਂ ਨੂੰ ਲਗਭਗ ਸਾਢੇ 12 ਵਜੇ ਘਟਨਾ ਵਾਲੀ ਥਾਂ ‘ਤੇ ਬੁਲਾਇਆ ਗਿਆ ਸੀ, ਅਤੇ ਪਹੁੰਚਣ ਤੱਕ ਘਰ ਪੂਰੀ ਤਰ੍ਹਾਂ ਅੱਗ ਨਾਲ ਘਿਰ ਚੁੱਕਾ ਸੀ। ਹਾਲਾਂਕਿ ਘਰ ਦੇ ਅੰਦਰ ਮੌਜੂਦ ਇੱਕ ਵਿਅਕਤੀ ਬਾਹਰ ਨਿਕਲਣ ‘ਚ ਕਾਮਯਾਬ ਹੋ ਗਿਆ ਅਤੇ ਉਸਨੂੰ ਕੋਈ ਸੱਟ ਨਹੀਂ ਲੱਗੀ। FENZ ਨੇ ਕਿਹਾ ਕਿ ਅੱਗ ਨੂੰ ਸ਼ੱਕੀ ਨਹੀਂ ਮੰਨਿਆ ਜਾ ਰਿਹਾ ਹੈ, ਪਰ ਇੱਕ ਅੱਗ ਜਾਂਚਕਰਤਾ ਮੌਕੇ ‘ਤੇ ਹੈ।
