CBD ਦੇ ਇਲਾਕੇ ‘ਚ ਰਹਿੰਦੇ ਬੇਘਰ ਲੋਕਾਂ ਨੂੰ ਲੈ ਕਿ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸਟੋਫਰ ਲਕਸਨ ਦਾ ਵੱਡਾ ਬਿਆਨ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਬੇਘਰ ਲੋਕਾਂ ਕੋਲ ਜਾਣ ਲਈ ਕੋਈ ਥਾਂ ਨਹੀਂ ਹੈ ਤਾਂ ਸਰਕਾਰ ਵੱਲੋਂ ਉਨ੍ਹਾਂ ਨੂੰ CBD ਦੇ ਇਲਾਕੇ ਚੋਂ ਕੱਢਿਆ ਨਹੀਂ ਜਾਏਗਾ। ਇੱਕ ਮੀਡੀਆ ਇੰਟਰਵਿਊ ਦੌਰਾਨ, ਲਕਸਨ ਨੇ ਕਈ ਵਾਰ ਪੁੱਛੇ ਜਾਣ ਤੋਂ ਬਾਅਦ ਇਹ ਸਪੱਸ਼ਟ ਵਾਅਦਾ ਕੀਤਾ ਕਿ ਬਿਨਾਂ ਵਿਕਲਪ ਦਿੱਤੇ ਕਿਸੇ ਨੂੰ ਵੀ ਸੜਕਾਂ ਤੋਂ “ਮੂਵ ਆਨ” ਕਰਨ ਲਈ ਮਜਬੂਰ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਆਪਣੇ ਬਿਆਨ ‘ਚ ਸਪਸ਼ਟ ਕੀਤਾ ਕਿ ਸਰਕਾਰ ਕੁਝ ਹਫਤਿਆਂ ਵਿੱਚ ਇਹ ਫੈਸਲਾ ਕਰੇਗੀ ਕਿ ਕੀ ਸ਼ਹਿਰਾਂ ਦੇ CBD ਖੇਤਰਾਂ ਵਿੱਚ ਮੰਗਤੇਬਾਜ਼ੀ (begging) ਜਾਂ ਬੇਘਰ ਹੋ ਕੇ ਰਹਿਣ ‘ਤੇ ਪਾਬੰਦੀ ਲਗਾਈ ਜਾਵੇਗੀ ਜਾਂ ਨਹੀਂ।
