ਗੈਰ-ਕਾਨੂੰਨੀ dirt bike activity ‘ਤੇ ਪੁਲਿਸ ਨੇ ਕਾਰਵਾਈ ਕਰਦਿਆਂ ਮੈਟਲਿਕ ਰੇਡ ਦੇ ਹਿੱਸੇ ਵਜੋਂ ਪੰਜ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਿਸ ਨੇ ਕਿਹਾ ਕਿ ਲੰਬੇ ਵੀਕਐਂਡ ਵਿੱਚ ਪੰਜ ਬਾਈਕ ਅਤੇ ਇੱਕ ਹੋਰ ਮੋਟਰ ਵਾਹਨ ਵੀ ਜ਼ਬਤ ਕੀਤਾ ਗਿਆ ਸੀ। ਇੰਸਪੈਕਟਰ ਮੈਟ ਸਰੋਜ ਨੇ ਕਿਹਾ ਕਿ ਐਤਵਾਰ ਸਵੇਰੇ ਮੈਨੁਕਾਊ ਮੈਮੋਰੀਅਲ ਗਾਰਡਨ ਵਿਖੇ ਲਗਭਗ 40 ਤੋਂ 50 ਬਾਈਕ ਇਕੱਠੇ ਹੋਣ ਤੋਂ ਬਾਅਦ ਆਪ੍ਰੇਸ਼ਨ ਖਾਸ ਤੌਰ ‘ਤੇ ਆਕਲੈਂਡ ‘ਤੇ ਕੇਂਦ੍ਰਿਤ ਸੀ, ਇਸ ਦੌਰਾਨ ਕੁੱਝ ਲੋਕਾਂ ਨੇ ਸਾੜ-ਫੂਕ ਕੀਤੀ ਅਤੇ ਖਤਰਨਾਕ ਵਿਵਹਾਰ ਕੀਤਾ। ਸ੍ਰੋਜ ਨੇ ਕਿਹਾ ਕਿ “ਇਸ ਕਾਰਵਾਈ ਦਾ ਉਦੇਸ਼ ਰਾਈਡਰਾਂ ਦੇ ਛੋਟੇ ਸਮੂਹਾਂ ਨੂੰ ਵੱਡੇ ਇਕੱਠਾਂ ਵਿੱਚ ਵਧਣ ਤੋਂ ਰੋਕਣਾ ਸੀ। ਅਸੀਂ ਸਮਾਜ ਵਿਰੋਧੀ ਅਤੇ ਅਪਰਾਧਿਕ ਗਤੀਵਿਧੀਆਂ ਵਿੱਚ ਸ਼ਾਮਿਲ ਲੋਕਾਂ ਨੂੰ ਸਰਗਰਮੀ ਨਾਲ ਨਿਸ਼ਾਨਾ ਬਣਾਉਣਾ ਜਾਰੀ ਰੱਖਾਂਗੇ। ਅਸੀਂ ਸਮਝਦੇ ਹਾਂ ਕਿ ਕਮਿਊਨਿਟੀ ਇਹਨਾਂ ਮੋਟਰਸਾਈਕਲ ਸਵਾਰਾਂ ਦੇ ਵਿਵਹਾਰ ਤੋਂ ਤੰਗ ਆ ਗਈ ਹੈ ਅਤੇ ਅਸੀਂ ਕਿਸੇ ਨੂੰ ਗੰਭੀਰ ਰੂਪ ਨਾਲ ਜ਼ਖਮੀ ਜਾਂ ਮਾਰਿਆ ਨਹੀਂ ਦੇਖਣਾ ਚਾਹੁੰਦੇ। ਪੁਲਿਸ ਸੀਸੀਟੀਵੀ ਫੁਟੇਜ ਦੀ ਸਮੀਖਿਆ ਕਰੇਗੀ, ਜਿਸ ਦੇ ਨਤੀਜੇ ਵਜੋਂ ਹੋਰ ਗ੍ਰਿਫਤਾਰੀਆਂ ਅਤੇ ਦੋਸ਼ ਲਗਾਏ ਜਾਣਗੇ।”
