ਮੌਜੂਦਾ ਸਮੇਂ ‘ਚ ਨਿਊਜ਼ੀਲੈਂਡ ਦਾ ਹਰ ਕਾਰੋਬਾਰ ਕਰਮਚਾਰੀਆਂ ਦੀ ਘਾਟ ਨਾਲ ਜੂਝ ਰਿਹਾ ਹੈ। ਉੱਥੇ ਹੀ ਹੁਣ ਕਰਮਚਾਰੀਆਂ ਦੀ ਘਾਟ ਜਨਤਕ ਬੱਸ ਸੇਵਾਵਾਂ ਵੀ ਕਰਮਚਾਰੀਆਂ ਦੀ ਘਾਟ ਕਾਰਨ ਬੰਦ ਹੋਣ ਕਿਨਾਰੇ ਆ ਗਈਆਂ ਹਨ। ਦਰਅਸਲ ਡੁਨੇਡਿਨ ਅਤੇ ਕਵੀਨਸਟਾਉਨ ਵਿੱਚ ਡਰਾਈਵਰਾਂ ਦੀ ਘਾਟ ਕਾਰਨ ਬੱਸ ਸੇਵਾਵਾਂ ਘਟਾਈਆਂ ਜਾ ਰਹੀਆਂ ਹਨ। ਓਟੈਗੋ ਰੀਜਨਲ ਕੌਂਸਲ ਦੇ ਟਰਾਂਸਪੋਰਟ ਮੈਨੇਜਰ ਡੱਗ ਰੌਜਰਜ਼ ਨੇ ਕਿਹਾ ਕਿ ਨਵੀਂ ਸਮਾਂ ਸਾਰਣੀ 19 ਜੁਲਾਈ ਤੋਂ ਲਾਗੂ ਹੋਵੇਗੀ। ਘਟਾਈ ਗਈ ਸਮਾਂ ਸਾਰਣੀ ਕੁਈਨਸਟਾਉਨ ਵਿੱਚ ਹਫ਼ਤੇ ਦੇ ਸੱਤ ਦਿਨ ਇੱਕੋ ਜਿਹੀ ਹੋਵੇਗੀ। ਡੁਨੇਡਿਨ ਵਿੱਚ ਘਟਾਈ ਗਈ ਸਮਾਂ-ਸਾਰਣੀ ਹਫ਼ਤੇ ਦੇ ਦਿਨਾਂ ਵਿੱਚ ਕੰਮ ਕਰੇਗੀ, ਆਮ ਵੀਕਐਂਡ ਸੇਵਾਵਾਂ ਪਹਿਲਾ ਵਾਂਗ ਚੱਲਣਗੀਆਂ।
ਉਨ੍ਹਾਂ ਕਿਹਾ ਕਿ ਰੋਜ਼ਾਨਾ ਸਾਰੇ ਰੂਟਾਂ ਜਾਂ ਯਾਤਰਾਵਾਂ ਚਲਾਉਣ ਲਈ ਲੋੜੀਂਦੇ ਡਰਾਈਵਰ ਨਹੀਂ ਹਨ। ਡਰਾਈਵਰਾਂ ਦੀ ਘਾਟ ਕਾਰਨ ਕ੍ਰਾਈਸਟਚਰਚ ਅਤੇ ਹੈਮਿਲਟਨ ਵਿੱਚ ਵੀ ਸੇਵਾਵਾਂ ਘਟਾ ਦਿੱਤੀਆਂ ਗਈਆਂ ਹਨ। ਬੱਸ ਡਰਾਈਵਰਾਂ ਦੀ ਇਸ ਘਾਟ ਦਾ ਕਾਰਨ ਕੋਵਿਡ -19 ਦੀ ਨਵੀਂ ਲਹਿਰ ਅਤੇ ਸਰਦੀ ਕਰਨ ਵਧੀਆ ਬਿਮਾਰੀਆਂ ਹਨ ਕਿਉਂਕ ਜਿਆਦਾਤਰ ਡਰਾਈਵਰ ਇਸ ਸਮੇਂ ਬਿਮਾਰ ਹਨ ਅਤੇ ਇਸ ਕਾਰਨ ਰਾਸ਼ਟਰੀ ਪੱਧਰ ‘ਤੇ ਬੱਸ ਡਰਾਈਵਰਾਂ ਦੀ ਘਾਟ ਪੈਦਾ ਹੋਈ ਹੈ।