ਨਿਊਜ਼ੀਲੈਂਡ ‘ਚ ਆਏ ਦਿਨ ਹੀ ਕੋਈ ਨਾ ਕੋਈ ਚੋਰੀ ਦੀ ਵਾਰਦਾਤ ਵਾਪਰ ਦੀ ਹੈ ਜਿਸ ਨੇ ਆਮ ਲੋਕਾਂ ਦੇ ਨਾਲ ਨਾਲ ਪੁਲਿਸ ਪ੍ਰਸ਼ਾਸਨ ਦੀਆਂ ਚਿੰਤਾਵਾਂ ‘ਚ ਵੀ ਵਾਧਾ ਕੀਤਾ ਹੈ। ਉੱਥੇ ਹੀ ਸਿਰਫ਼ ਦੋ ਸਾਲਾਂ ਦੇ ਅੰਦਰ-ਅੰਦਰ ਰੈਮ-ਰੇਡਾਂ ਦੀ ਗਿਣਤੀ ਚੌਗੁਣੀ ਹੋ ਗਈ ਹੈ ਅਤੇ ਫੜੇ ਗਏ ਜ਼ਿਆਦਾਤਰ 18 ਸਾਲ ਤੋਂ ਘੱਟ ਉਮਰ ਦੇ ਨੌਜਵਾਨ ਸਨ। ਦੋ ਸਾਲਾਂ ਵਿੱਚ ਰੈਮ-ਰੇਡਾਂ ਵਿੱਚ 465% ਵਾਧਾ ਹੋਇਆ ਹੈ, ਅਤੇ ਪੁਲਿਸ ਦੁਆਰਾ ਫੜੇ ਗਏ ਲੋਕਾਂ ਵਿੱਚੋਂ 70% 18 ਸਾਲ ਤੋਂ ਘੱਟ ਉਮਰ ਦੇ ਸਨ। ਅਧਿਕਾਰਤ ਸੂਚਨਾ ਐਕਟ ਦੇ ਤਹਿਤ ਇੱਕ ਚੈੱਨਲ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ 2022 ਕੈਲੰਡਰ ਸਾਲ ਵਿੱਚ, ਪੁਲਿਸ ਨੇ 516 ਰੈਮ ਰੇਡਾਂ ਦਰਜ ਕੀਤੀਆਂ ਸਨ।
ਇਸ ਦੌਰਾਨ 708 ਅਪਰਾਧੀਆਂ ਦੀ ਪਛਾਣ ਕੀਤੀ ਗਈ ਸੀ; 495 17 ਸਾਲ ਤੋਂ ਘੱਟ ਉਮਰ ਦੇ ਸਨ, 70 13 ਸਾਲ ਤੋਂ ਘੱਟ ਸਨ, ਅਤੇ 88 ਬਾਲਗ ਸਨ। ਪਿਛਲੇ ਸਾਲ, ਸਰਕਾਰ ਨੇ $6 ਮਿਲੀਅਨ ਦੇ ਅਪਰਾਧ ਰੋਕਥਾਮ ਪ੍ਰੋਗਰਾਮ ਦੀ ਘੋਸ਼ਣਾ ਕੀਤੀ ਸੀ, ਜਿਸ ਵਿੱਚ ਬੋਲਾਰਡ ਜਾਂ ਹੋਰ ਸੁਰੱਖਿਆ ਢਾਂਚੇ ਸਥਾਪਤ ਕਰਨ ਲਈ ਫੰਡ ਸ਼ਾਮਿਲ ਸਨ। ਪ੍ਰੋਗਰਾਮ ਤੋਂ ਹੁਣ ਤੱਕ $2,265,965 ਖਰਚ ਕੀਤੇ ਜਾ ਚੁੱਕੇ ਹਨ।