ਵੀਰਵਾਰ ਨੂੰ ਗੋਲਡਨ ਬੇਅ ਵਿੱਚ ਮੋਬਾਈਲ ਫੋਨ ਅਤੇ ਇੰਟਰਨੈੱਟ ਸੇਵਾਵਾਂ ਬੰਦ ਹੋ ਗਈਆਂ ਸੀ। ਇਸ ਖਰਾਬੀ ਦੇ ਲਈ ਪਹਿਲਾਂ ਮੌਸਮ ਕਾਰਨ ਮੰਨਿਆ ਜਾ ਰਿਹਾ ਸੀ ਪਰ ਅਸਲ ਕਾਰਨ ਚੂਹੇ ਸਨ। ਸਟੇਟ ਹਾਈਵੇ 60 ‘ਤੇ ਉਰੂਵੇਨੁਆ ਪੁਲ ‘ਤੇ ਕੱਟੀ ਗਈ ਫਾਈਬਰਓਪਟਿਕ ਕੇਬਲ ਕਾਰਨ ਲਗਭਗ 1100 ਘਰਾਂ ਦਾ ਇੰਟਰਨੈੱਟ ਬੰਦ ਹੋ ਗਿਆ ਸੀ। ਦੂਰਸੰਚਾਰ ਫੋਰਮ ਨੇ ਪੁਸ਼ਟੀ ਕੀਤੀ ਹੈ ਕਿ ਇਹ ਤਾਰ ਚੂਹਿਆਂ ਨੇ ਕੱਟ ਦਿੱਤੀ ਸੀ। ਮੁੱਖ ਕਾਰਜਕਾਰੀ ਪਾਲ ਬ੍ਰਿਸਲੇਨ ਨੇ ਕਿਹਾ ਕਿ ਫਾਈਬਰ ਲਾਈਨਾਂ ਦੇ ਆਲੇ-ਦੁਆਲੇ ਚੂਹਿਆਂ ਦਾ ਹਮਲਾ ਹੋਣਾ ਅਸਧਾਰਨ ਨਹੀਂ ਹੈ।
ਕੋਰਸ ਨੇ ਕਿਹਾ ਕਿ ਨੁਕਸ ਕਾਰਨ 350 copper ਅਤੇ 800 ਫਾਈਬਰ ਕਨੈਕਸ਼ਨਾਂ ‘ਚ ਦਿੱਕਤ ਆਈ ਸੀ। ਉਨ੍ਹਾਂ ਨੇ ਮੁਸ਼ਕਿਲ ਮੌਸਮੀ ਸਥਿਤੀਆਂ ‘ਚ ਜਿੰਨੀ ਜਲਦੀ ਹੋ ਸਕੇ ਨੁਕਸ ਲੱਭਣ ਵਿੱਚ ਮਦਦ ਕਰਨ ਲਈ ਹੋਰ ਖੇਤਰਾਂ ਤੋਂ ਟੈਕਨੀਸ਼ੀਅਨ ਲਿਆਂਦੇ ਸੀ। ਕੋਰਸ ਨੇ ਆਊਟੇਜ ਕਾਰਨ ਹੋਈ ਅਸੁਵਿਧਾ ਲਈ ਪ੍ਰਭਾਵਿਤ ਗਾਹਕਾਂ ਤੋਂ ਮੁਆਫੀ ਮੰਗੀ ਹੈ।