ਸ਼ੁੱਕਰਵਾਰ ਦੁਪਹਿਰ ਡੁਨੇਡਿਨ ਦੇ ਬਰਾਈਟਨ ਬੀਚ ‘ਤੇ ਇੱਕ ਸੀ ਲਾਇਨ ਵੱਲੋਂ ਕਟਣ ਦੀ ਘਟਨਾ ਵਿੱਚ ਇੱਕ ਵਿਅਕਤੀ ਜ਼ਖ਼ਮੀ ਹੋ ਗਿਆ, ਜਿਸਨੂੰ ਹਸਪਤਾਲ ਪਹੁੰਚਾਇਆ ਗਿਆ। ਹਾਟੋ ਹੋਨ ਸੇਂਟ ਜਾਨ ਦੇ ਬੁਲਾਰੇ ਨੇ ਦੱਸਿਆ ਕਿ ਲਗਭਗ ਦੁਪਹਿਰ 1:30 ਵਜੇ ਸੀ ਲਾਇਨ ਦੇ ਹਮਲੇ ਦੀ ਸੂਚਨਾ ਮਿਲਣ ‘ਤੇ ਉਨ੍ਹਾਂ ਦੀ ਟੀਮ ਮੌਕੇ ‘ਤੇ ਪਹੁੰਚੀ ਅਤੇ ਦਰਮਿਆਨੀ ਸੱਟਾਂ ਵਾਲੇ ਜ਼ਖ਼ਮੀ ਵਿਅਕਤੀ ਨੂੰ ਡੁਨੇਡਿਨ ਹਸਪਤਾਲ ਲਿਜਾਇਆ ਗਿਆ।
ਬੁਲਾਰੇ ਮੁਤਾਬਿਕ, ਘਟਨਾ ਤੋਂ ਬਾਅਦ ਜਾਨਵਰ ਮੌਕੇ ‘ਤੇ ਨਹੀਂ ਮਿਲਿਆ। ਫਾਇਰ ਐਂਡ ਇਮਰਜੈਂਸੀ ਟੀਮ ਨੇ ਵੀ ਐਂਬੂਲੈਂਸ ਕਰਮਚਾਰੀਆਂ ਦੀ ਸਹਾਇਤਾ ਲਈ ਮੌਕੇ ‘ਤੇ ਪਹੁੰਚ ਕੀਤੀ।
ਓਟਾਗੋ ਡੇਲੀ ਟਾਈਮਜ਼ ਦੀ ਰਿਪੋਰਟ ਅਨੁਸਾਰ, ਜ਼ਖ਼ਮੀ ਵਿਅਕਤੀ ਇੱਕ ਸਰਫਰ ਸੀ, ਜਿਸਨੂੰ ਪਾਣੀ ਵਿੱਚ ਹੋਣ ਦੌਰਾਨ ਸੀ ਲਾਇਨ ਨੇ ਵੱਢਿਆ ਗਿਆ ਸੀ। ਡਿਪਾਰਟਮੈਂਟ ਆਫ ਕਨਜ਼ਰਵੇਸ਼ਨ ਦੇ ਬੁਲਾਰੇ ਨੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਕਿ ਜਮੀਨ ‘ਤੇ ਸੀਲ ਅਤੇ ਸੀ ਲਾਇਨ ਤੋਂ ਘੱਟੋ-ਘੱਟ 20 ਮੀਟਰ ਦੀ ਦੂਰੀ ਬਣਾਈ ਰੱਖਣੀ ਚਾਹੀਦੀ ਹੈ।
ਉਨ੍ਹਾਂ ਕਿਹਾ ਕਿ ਸਮੁੰਦਰ ਵਿੱਚ ਇਹ ਜਾਨਵਰ ਜਿਗਿਆਸੂ ਹੁੰਦੇ ਹਨ ਅਤੇ ਕਈ ਵਾਰ ਲੋਕਾਂ ਦੇ ਨੇੜੇ ਆ ਸਕਦੇ ਹਨ, ਪਰ ਅਜਿਹੀਆਂ ਘਟਨਾਵਾਂ ਬਹੁਤ ਹੀ ਵਿਰਲੀ ਹੁੰਦੀਆਂ ਹਨ ਅਤੇ ਆਮ ਤੌਰ ‘ਤੇ ਇਹ ਮੁਲਾਕਾਤਾਂ ਨੁਕਸਾਨਦਾਇਕ ਨਹੀਂ ਹੁੰਦੀਆਂ।