ਕ੍ਰਾਈਸਚਰਚ ਦੇ ਇੱਕ Kindergarten ‘ਚ ਜ਼ਖਮੀ ਹੋਏ ਪੰਜ ਬੱਚਿਆਂ ਸਮੇਤ ਸੱਤ ਲੋਕਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ। ਸ਼ੁੱਕਰਵਾਰ ਦੁਪਹਿਰ ਨੂੰ ਵੂਲਸਟਨ ਦੇ ਕਿੰਡਰਕੇਅਰ ਵਿੱਚ ਐਮਰਜੈਂਸੀ ਸੇਵਾਵਾਂ ਨੂੰ ਬੁਲਾਇਆ ਗਿਆ ਸੀ। ਪੁਲਿਸ ਨੇ ਕਿਹਾ ਕਿ ਰਸੋਈ ਦੇ ਸਟੀਰਲਾਈਜ਼ਰ ਵਿੱਚ ਵਰਤੇ ਗਏ ਇੱਕ ਰਸਾਇਣ ਨੂੰ ਡਿਸ਼ਵਾਸ਼ਿੰਗ ਤਰਲ ਸਮਝ ਕੇ ਇੱਕ ਸਲਿੱਪ ਅਤੇ ਸਲਾਈਡ ‘ਤੇ ਪਾ ਦਿੱਤਾ ਗਿਆ ਸੀ। ਵੂਲਸਟਨ ਦੇ ਸੀਨੀਅਰ ਸਟੇਸ਼ਨ ਅਧਿਕਾਰੀ ਜੌਨ ਹੈਰੀਓਟ ਨੇ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਇਸ ਮੰਦਭਾਗੀ ਘਟਨਾ ਦੇ ਵਾਪਰਨ ਦਾ ਕਾਰਨ ਇੱਕ ਖ਼ਤਰਨਾਕ ਰਸਾਇਣ ਨੂੰ ਗਲਤੀ ਨਾਲ ਡਿਟਰਜੈਂਟ ਸਮਝਕੇ ਵਾਟਰਸਲਾਈਡ ’ਤੇ ਪਾ ਦਿੱਤਾ ਜਾਣਾ ਸੀ।
ਕੁੱਲ ਮਿਲਾ ਕੇ, 40 ਮਰੀਜ਼ਾਂ ਦਾ ਮੁਲਾਂਕਣ ਕੀਤਾ ਗਿਆ, ਅਤੇ ਪੰਜ ਬੱਚਿਆਂ ਅਤੇ ਦੋ ਕਰਮਚਾਰੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ ਅਤੇ ਕੇਂਦਰ ਨੂੰ ਤਾਲਾਬੰਦ ਕਰ ਦਿੱਤਾ ਗਿਆ ਸੀ। ਸੇਂਟ ਜੌਨ ਨੇ ਕਿਹਾ ਕਿ, “ਅਠਾਰਾਂ ਯੂਨਿਟਾਂ ਨੇ ਜਵਾਬ ਦਿੱਤਾ ਸੀ ਨੌਂ ਐਂਬੂਲੈਂਸਾਂ, ਤਿੰਨ ਰੈਪਿਡ ਰਿਸਪਾਂਸ ਯੂਨਿਟ, ਪੰਜ ਓਪਰੇਸ਼ਨ ਮੈਨੇਜਰ ਅਤੇ ਇੱਕ ਮੇਜਰ ਇੰਸੀਡੈਂਟ ਸਪੋਰਟ ਟੀਮ ਵਾਹਨ ਸਮੇਤ।” ਸੇਂਟ ਜੌਨ ਦੇ ਰਾਸ਼ਟਰੀ ਓਪਰੇਸ਼ਨ ਮੈਨੇਜਰ ਕ੍ਰਿਸ ਹੈਰੀਸਨ ਨੇ ਕਿਹਾ ਕਿ ਮਰੀਜ਼ਾਂ ਨੂੰ ਰਸਾਇਣਕ ਜਲਣ ਅਤੇ ਛਾਲੇ ਹੋਏ ਸਨ। ਕਿੰਡਰਕੇਅਰ ਪੂਰੀ ਜਾਂਚ ਕਰਨ ਦਾ ਭਰੋਸਾ ਦਿੱਤਾ ਹੈ। ਵਰਕਸੇਫ ਨੇ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।