ਕ੍ਰਾਈਸਚਰਚ ਦੇ ਇੱਕ ਯਾਤਰੀ ਦੇ ਘਰੋਂ ਇੱਕ “ਛੋਟਾ ਜ਼ਿੰਦਾ ਸੱਪ” ਮਿਲਿਆ ਹੈ ਜੋ ਕੁਝ ਸਮਾਂ ਪਹਿਲਾਂ ਹੀ ਬਾਲੀ ਤੋਂ ਘਰ ਵਾਪਸ ਆਇਆ ਸੀ। ਬਾਇਓਸਿਕਿਓਰਿਟੀ ਨਿਊਜ਼ੀਲੈਂਡ ਨਿਗਰਾਨੀ ਅਤੇ ਘੁਸਪੈਠ ਪ੍ਰਬੰਧਕ ਵੈਂਡੀ ਮੈਕਡੋਨਲਡ ਨੇ ਕਿਹਾ ਕਿ ਹਾਲ ਹੀ ਵਿੱਚ ਬਾਲੀ ਤੋਂ ਵਾਪਸ ਆਏ ਇੱਕ ਯਾਤਰੀ ਦੇ ਸੂਟਕੇਸ ਵਿੱਚ ਇੱਕ ਛੋਟੇ ਸੱਪ ਦੇ ਮਿਲਣ ਦੀ ਰਿਪੋਰਟ ਤੋਂ ਬਾਅਦ ਸਿਖਲਾਈ ਪ੍ਰਾਪਤ ਹੈਂਡਲਰਾਂ ਨੂੰ ਕ੍ਰਾਈਸਚਰਚ ਦੀ ਜਾਇਦਾਦ ਵਿੱਚ ਭੇਜਿਆ ਗਿਆ ਸੀ।
“ਸੂਟਕੇਸ ਵਿੱਚ ਇੱਕ jandal ਦੇ ਪੈਰ ਦੇ ਅੰਗੂਠੇ ਦੁਆਲੇ ਲਿਪਟਿਆ ਹੋਇਆ ਇੱਕ ਬਹੁਤ ਛੋਟਾ ਜ਼ਿੰਦਾ ਸੱਪ ਮਿਲਿਆ ਹੈ।” ਇੱਕ ਹਰਪੇਟੋਲੋਜਿਸਟ ਦੁਆਰਾ ਸ਼ੁਰੂਆਤੀ ਪਛਾਣ ਤੋਂ ਪਤਾ ਲੱਗਾ ਕਿ ਇਹ ਇੱਕ wolf snake ਸੀ, ਇੱਕ ਕਿਸਮ ਦਾ ਗੈਰ-ਜ਼ਹਿਰੀਲਾ ਬੋਆ। ਉਨ੍ਹਾਂ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸੱਪ ਨੂੰ ਮਾਰਿਆ ਜਾਵੇਗਾ। ਮੈਕਡੋਨਲਡ ਨੇ ਕਿਹਾ ਕਿ ਹਰ ਸਾਲ ਇੱਕ ਜਾਂ ਦੋ ਸੱਪ ਸਰਹੱਦ ਤੋਂ ਬਾਹਰਲੇ ਸਥਾਨਾਂ ‘ਤੋਂ ਆਏ ਪਾਏ ਜਾਂਦੇ ਸਨ, ਜਿਨ੍ਹਾਂ ਨੂੰ ਆਮ ਤੌਰ ‘ਤੇ ਸਰਹੱਦ ‘ਤੇ ਰੋਕਿਆ ਜਾਂਦਾ ਹੈ।