ਛੋਟੀ ਉਮਰ ਦੇ ਚੋਰਾਂ ਨੇ ਨਿਊਜ਼ੀਲੈਂਡ ਪੁਲਿਸ ਦੇ ਨੱਕ ‘ਚ ਦਮ ਕੀਤਾ ਹੋਇਆ ਹੈ। ਤਾਜ਼ਾ ਮਾਮਲਾ ਆਕਲੈਂਡ ਦਾ ਹੈ ਜਿੱਥੇ ਪੁਲਿਸ ਨੇ ਛੇ ਨੌਜਵਾਨਾਂ ਨੂੰ ਹਿਰਾਸਤ ਵਿੱਚ ਲਿਆ ਹੈ, ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਚੋਰੀ ਕਰ ਭੱਜਣ ਸਮੇਂ ਮੋਟਰਵੇਅ ਦੇ ਗਲਤ ਪਾਸੇ ਕਈ ਕਿਲੋਮੀਟਰ ਤੱਕ ਗੱਡੀ ਚਲਾਈ ਸੀ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਪਹਿਲਾਂ ਮੰਗਲਵਾਰ ਨੂੰ 1.30 ਵਜੇ ਤੋਂ ਠੀਕ ਪਹਿਲਾਂ ਮੈਨੂਕਾਊ ‘ਚ ਚੋਰੀ ਹੋਈ ਕਾਰ ਦੇਖੀ ਅਤੇ ਸੁਰੱਖਿਆ ਕੈਮਰਿਆਂ ਅਤੇ ਇੱਕ ਹੈਲੀਕਾਪਟਰ ਦੀ ਵਰਤੋਂ ਕਰਕੇ ਇਸਦਾ ਪਤਾ ਲਗਾਇਆ।
ਪਰ ਬੋਟਨੀ ‘ਚ ਰੁਕਣ ਮਗਰੋਂ ਇਨ੍ਹਾਂ ਨੇ ਦੁਬਾਰਾ ਕਾਰ ਭਜਾ ਲਈ ਅਤੇ ਸੜਕ ‘ਤੇ ਲੱਗੇ ਸਪਾਈਕ ਨੂੰ ਬਚਣ ਲਈ ਫੁੱਟਪਾਥ ‘ਤੇ ਚੜ੍ਹ ਗਿਆ ਅਤੇ ਫਿਰ ਮੋਟਰਵੇਅ ਲੇਨਾਂ ਵਿੱਚ ਤੇਜ਼ੀ ਨਾਲ ਗੱਡੀ ਚਲਾਈ। ਕਾਉਂਟੀਜ਼ ਮੈਨੂਕਾਊ ਪੁਲਿਸ ਦੇ ਸੀਨੀਅਰ ਸਾਰਜੈਂਟ ਸਟੀਵ ਅਲਬਰੇ ਨੇ ਕਿਹਾ ਕਿ ਪਿੱਛਾ ਨਾ ਕੀਤੇ ਜਾਣ ਦੇ ਬਾਵਜੂਦ, ਵਾਹਨ ਦੱਖਣ ਵੱਲ ਜਾਂਦੇ ਹੋਏ ਸਟੇਟ ਹਾਈਵੇਅ 1 ਵਿੱਚ ਦਾਖਲ ਹੋਇਆ ਅਤੇ ਜਦੋਂ ਇਹ ਡਰੂਰੀ ਪਹੁੰਚਿਆ ਤਾਂ ਡ੍ਰਾਈਵਰ ਨੇ ਚਾਰ ਕਿਲੋਮੀਟਰ ਤੋਂ ਵੱਧ ਸਫਰ ਲਈ ਮੋਟਰਵੇਅ ‘ਤੇ ਗਲਤ ਪਾਸੇ ਗੱਡੀ ਭਜਾਈ।” ਵਾਹਨ ਨੂੰ ਸਪਾਈਕ ਕਰਨ ਦੀ ਦੂਜੀ ਕੋਸ਼ਿਸ਼ ਸਫਲ ਰਹੀ ਅਤੇ ਇਹ ਅੰਤ ਵਿੱਚ ਵਾਈਕਾਟੋ ਦੇ ਓਹੀਨਵਾਈ ਵਿੱਚ ਰੁਕ ਗਈ। ਇਸ ਦੌਰਾਨ ਇੱਕ 16 ਸਾਲਾ ਨੌਜਵਾਨ ਨੂੰ ਮੈਨੂਕਾਊ ਯੂਥ ਕੋਰਟ ਵਿੱਚ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪਏਗਾ, ਜਦੋਂ ਕਿ 13 ਤੋਂ 16 ਸਾਲ ਦੀ ਉਮਰ ਦੇ ਪੰਜ ਹੋਰਾਂ ਨੂੰ ਯੂਥ ਏਡ ਲਈ ਰੈਫਰ ਕੀਤਾ ਗਿਆ ਹੈ।