ਨਿਊਜੀਲੈਂਡ ਵਿੱਚ ਪ੍ਰਵਾਸੀਆਂ ਦੀ ਆਮਦਗੀ ਨੂੰ ਲੈਕੇ ਇਸ ਵਾਰ ਲੰਬੇ ਸਮੇਂ ਬਾਅਦ ਰਿਕਾਰਡ ਟੁੱਟਣ ਦੀ ਸੰਭਾਵਨਾ ਜਤਾਈ ਗਈ ਸੀ। ਪਿਛਲੇ ਮਹੀਨੇ ਏ ਐਸ ਬੀ ਅਨੁਸਾਰ ਫਰਵਰੀ ਤੱਕ ਇਸ ਸਾਲ ਨੈੱਟ ਮਾਈਗ੍ਰੇਸ਼ਨ 52,000 ਦਾ ਆਂਕੜਾ ਪਾਰ ਕਰ ਚੁੱਕੀ ਸੀ ਭਾਵ ਨਿਊਜੀਲੈਂਡ ਛੱਡਕੇ ਜਾਣ ਵਾਲਿਆਂ ਦੇ ਮੁਕਾਬਲੇ ਆਉਣ ਵਾਲਿਆਂ ਦੀ ਗਿਣਤੀ 52,000 ਪੁੱਜ ਚੁੱਕੀ ਸੀ। ਉੱਥੇ ਹੀ ਜੂਨ ਮਹੀਨੇ ‘ਚ ਵੀ ਕੁੱਝ ਅੰਕੜੇ ਸਾਹਮਣੇ ਆਏ ਹਨ। ਇੰਨਾਂ ਅੰਕੜਿਆਂ ‘ਚ ਨਿਊਜੀਲੈਂਡ ਦੀ ਆਬਾਦੀ ‘ਚ ਵਾਧਾ ਨਜ਼ਰ ਆ ਰਿਹਾ ਹੈ ਅਹਿਮ ਗੱਲ ਇਹ ਹੈ ਕਿ ਇਸ ਵਾਧੇ ਦਾ ਵੱਡਾ ਕਾਰਨ ਪਰਵਾਸੀ ਹਨ। ਰਿਪੋਰਟਾਂ ਅਨੁਸਾਰ ਇਸ ਸਾਲ ਦੇ ਸ਼ੁਰੂਆਤ ਤੋਂ ਅਪ੍ਰੈਲ ਤੱਕ ਦੀ ਨੈੱਟ ਮਾਈਗ੍ਰੇਸ਼ਨ ਰਿਕਾਰਡ 72,300 ਰਹੀ ਹੈ।
ਅਪ੍ਰੈਲ 2023 ਤੱਕ ਨਿਊਜੀਲੈਂਡ ਵਿੱਚ ਕੁੱਲ 171,800 ਪ੍ਰਵਾਸੀਆਂ ਦੀ ਆਮਦਗੀ ਹੋਈ ਹੈ ਅਤੇ 99,500 ਨਿਊਜੀਲੈਂਡ ਛੱਡਕੇ ਗਏ ਹਨ। ਕੋਰੋਨਾ ਸਮੇਂ ਤੋਂ ਪਹਿਲਾਂ ਇਹ ਰਿਕਾਰਡ 2016 ਵਿੱਚ ਬਣਿਆ ਸੀ, ਜਦੋਂ ਨੈੱਟ ਮਾਈਗ੍ਰੇਸ਼ਨ 64672 ਰਹੀ ਸੀ।