ਆਕਲੈਂਡ ਦੇ ਨੌਰਥ ਸ਼ੋਰ ‘ਤੇ ਸਥਿਤ ਇੱਕ ਸੁਪਰਮਾਰਕੀਟ ਨੂੰ ਮੰਗਲਵਾਰ ਸ਼ਾਮ ਨੂੰ ਅੱਗ ਲੱਗਣ ਤੋਂ ਬਾਅਦ ਖਾਲੀ ਕਰਵਾਉਣਾ ਪਿਆ ਹੈ। ਬ੍ਰਾਊਨਜ਼ ਬੇ ਸੁਪਰਮਾਰਕੀਟ ‘ਤੇ ਨਿਊ ਵਰਲਡ ਸਾਈਨ ਨੂੰ ਅੱਗ ਲੱਗਣ ਤੋਂ ਬਾਅਦ, ਅੱਗ ਬੁਝਾਊ ਅਤੇ ਐਮਰਜੈਂਸੀ ਨੂੰ ਸ਼ਾਮ 7.45 ਵਜੇ ਦੇ ਕਰੀਬ ਅੱਗ ਲੱਗਣ ਬਾਰੇ ਸੂਚਿਤ ਕੀਤਾ ਗਿਆ ਸੀ। ਸਟੋਰ ‘ਚ ਧੂੰਆਂ ਆਉਣ ਮਗਰੋਂ ਇਮਾਰਤ, ਜੋ ਉਸ ਸਮੇਂ ਖੁੱਲ੍ਹੀ ਸੀ, ਨੂੰ ਵੀ ਖਾਲੀ ਕਰਵਾ ਲਿਆ ਗਿਆ ਸੀ।
ਸੋਸ਼ਲ ਮੀਡੀਆ ‘ਤੇ ਬ੍ਰਾਊਨਜ਼ ਬੇਅ ਕਮਿਊਨਿਟੀ ਗਰੁੱਪ ‘ਤੇ ਪੋਸਟ ਕੀਤੀ ਗਈ ਇੱਕ ਵੀਡੀਓ ਵਿੱਚ ਇਮਾਰਤ ਵਿੱਚੋਂ ਅੱਗ ਦੀਆਂ ਲਪਟਾਂ ਨਿਕਲਦੀਆਂ ਦਿਖਾਈ ਦਿੱਤੀਆਂ ਸੀ। ਇੱਕ ਉੱਚ ਪਹੁੰਚ ਵਾਲੇ ਟਰੱਕ ਸਮੇਤ ਚਾਰ ਅੱਗ ਬੁਝਾਊ ਯੰਤਰ ਤਾਇਨਾਤ ਕੀਤੇ ਗਏ ਸਨ। ਪਿਛਲੇ ਮਹੀਨੇ ਕੇਂਦਰੀ ਆਕਲੈਂਡ ਵਿੱਚ ਨਿਊ ਵਰਲਡ ਵਿਕਟੋਰੀਆ ਪਾਰਕ ਸੁਪਰਮਾਰਕੀਟ ਵਿੱਚ ਵੀ ਭਿਆਨਕ ਅੱਗ ਲੱਗ ਗਈ ਸੀ, ਜਿਸ ਨੂੰ ਬੁਝਾਉਣ ਵਿੱਚ 10 ਘੰਟਿਆਂ ਤੋਂ ਵੱਧ ਸਮਾਂ ਲੱਗਿਆ ਸੀ।