ਨਿਊਜ਼ੀਲੈਂਡ ‘ਚ ਵੱਸਦੇ ਭਾਈਚਾਰੇ ਤੇ ਮਾਂ ਖੇਡ ਕਬੱਡੀ ਨੂੰ ਪਿਆਰ ਕਰਨ ਵਾਲੇ ਲੋਕਾਂ ਲਈ ਵੱਡੀ ਖੁਸ਼ਖਬਰੀ ਹੈ ਦਰਅਸਲ 9 ਨਵੰਬਰ ਦਿਨ ਐਤਵਾਰ ਨੂੰ ਟੀਪੁਕੀ ਵਿਖੇ ਹੋਣ ਜਾ ਰਹੇ ਕਬੱਡੀ ਕੱਪ ‘ਚ ਹਿੱਸਾ ਲੈਣ ਲਈ ਜਿੱਥੇ ਦੁਨੀਆ ਭਰ ‘ਚ ਵੱਸਦੇ ਚੋਟੀ ਦੇ ਕਬੱਡੀ ਖਿਡਾਰੀ ਇੱਥੇ ਪਹੁੰਚ ਰਹੇ ਸੀ ਇਸੇ ਵਿਚਕਾਰ ਹੁਣ ਪਾਕਿਸਤਾਨੀ ਕਬੱਡੀ ਖਿਡਾਰੀਆਂ ਦੀ ਟੀਮ ਵੀ ਨਿਊਜ਼ੀਲੈਂਡ ਪਹੁੰਚ ਗਈ ਹੈ। ਜ਼ਿਕਰਯੋਗ ਹੈ ਕਿ ਵਿਦੇਸ਼ਾਂ ਦੇ ਕਬੱਡੀ ਕੱਪਾਂ ‘ਤੇ ਪਾਕਿਸਤਾਨੀ ਖਿਡਾਰੀਆਂ ਦੀ ਵੱਡੀ ਮੰਗ ਹੁੰਦੀ ਹੈ। ਲੋਕ ਹਰ ਵਾਰ ਭਾਰਤ ਤੇ ਪਾਕਿਸਤਾਨ ਦੀ ਟੱਕਰ ਦੇਖਣੀ ਪਸੰਦ ਕਰਦੇ ਹਨ। ਅਜਿਹੇ ‘ਚ ਕਬੱਡੀ ਪ੍ਰੇਮੀਆਂ ਨੂੰ ਟੀਪੁਕੀ ‘ਚ ਹੋ ਰਹੇ ਕਬੱਡੀ ਕੱਪ ਤੇ ਇਹ ਨਜ਼ਾਰਾ ਦੇਖਣ ਨੂੰ ਮਿਲੇਗਾ। ਪਾਕਿਸਤਾਨੀ ਟੀਮ ‘ਚ ਰਾਣਾ ਆਤਿਫ, ਆਦਿਲ ਅਸਲਮ ਗਿੱਲ, ਜਫਰ ਚੇਨ, ਲਾਲਾ ਜਾਬਰ ਕੰਬੋਹ, ਕਲੀਮ ਉਲਾ ਜੱਟ, ਉਮਰ ਗੁੱਜਰ, ਲਾਲਾ ਜਫਰ ਅਲੀ ਕੰਬੋਹ ਸ਼ਾਮਿਲ ਹਨ। ਦੱਸ ਦੇਈਏ ਇਸ ਕੱਪ ‘ਤੇ ਕਬੱਡੀ ਦੇ ਨਾਲ-ਨਾਲ ਕਈ ਹੋਰ ਖੇਡਾਂ ਦੇ ਮੁਕਾਬਲੇ ਵੀ ਦੇਖਣ ਨੂੰ ਮਿਲਣਗੇ। ਇਹ ਮੁਕਾਬਲੇ centennial park, tepuke near gurudwara sahib no 3 road ਵਿਖੇ 9 ਨਵੰਬਰ ਦਿਨ ਐਤਵਾਰ ਨੂੰ ਕਰਵਾਏ ਜਾਣਗੇ।
