ਪੋਸਟ ਪ੍ਰਾਇਮਰੀ ਟੀਚਰਜ਼ ਐਸੋਸੀਏਸ਼ਨ (ਪੀਪੀਟੀਏ) ਦੇ ਮੈਂਬਰਾਂ ਵੱਲੋਂ ਹੋਰ ਉਦਯੋਗਿਕ ਕਾਰਵਾਈ ਦੇ ਹੱਕ ਵਿੱਚ ਵੋਟ ਦਿੱਤੇ ਜਾਣ ਤੋਂ ਬਾਅਦ ਹਜ਼ਾਰਾਂ ਸੈਕੰਡਰੀ ਅਤੇ ਖੇਤਰੀ ਸਕੂਲ ਅਧਿਆਪਕ ਅਗਲੇ ਹਫ਼ਤੇ ਹੜਤਾਲ ਕਰਨ ਵਾਲੇ ਹਨ। ਯੂਨੀਅਨ ਦੇ ਮੈਂਬਰਾਂ ਨੇ ਬੁੱਧਵਾਰ, 29 ਮਾਰਚ ਨੂੰ ਇੱਕ ਦਿਨ ਦੀ ਹੜਤਾਲ ਲਈ ਵੋਟ ਪਾਈ ਹੈ ਯਾਨੀ ਕਿ ਵਧੀਆ ਤਨਖਾਹਾਂ ਤੇ ਕੰਮ ‘ਤੇ ਵਧੀਆ ਹਲਾਤਾਂ ਦੀ ਮੰਗ ਕਰਨ ਵਾਲੇ ਹਜਾਰਾਂ ਅਧਿਆਪਕਾਂ ਨੇ ਅਗਲੇ ਹਫਤੇ ਮੁੜ ਤੋਂ ਹੜਤਾਲ ਕਰਨ ਦਾ ਫੈਸਲਾ ਕੀਤਾ ਹੈ। ਪੀਪੀਟੀਏ ਨੇ ਕਿਹਾ ਕਿ ਉਹ ਸਿੱਖਿਆ ਮੰਤਰਾਲੇ ਤੋਂ ਇੱਕ ਬਿਹਤਰ ਸਮੂਹਿਕ ਸਮਝੌਤੇ ਦੀ ਪੇਸ਼ਕਸ਼ ਚਾਹੁੰਦਾ ਹੈ।
ਪੀਪੀਟੀਏ ਦੇ ਕਾਰਜਕਾਰੀ ਪ੍ਰਧਾਨ ਕ੍ਰਿਸ ਐਬਰਕਰੋਮਬੀ ਨੇ ਕਿਹਾ, “ਇਹ ਸਾਡੇ ਮੈਂਬਰਾਂ ਵੱਲੋਂ ਸਪੱਸ਼ਟ ਸੰਕੇਤ ਹੈ ਕਿ ਉਹ ਇਸ ਨੂੰ ਕਿਵੇਂ ਨਿਪਟਾਉਣਾ ਚਾਹੁੰਦੇ ਹਨ, ਅਤੇ ਅਸੀਂ ਕਲਾਸਰੂਮ ਵਿੱਚ ਵਾਪਿਸ ਜਾਣਾ ਚਾਹੁੰਦੇ ਹਾਂ। ਇਸ ਲਈ ਸਰਕਾਰ ਨੂੰ ਇੱਕ ਸਪੱਸ਼ਟ ਸੰਦੇਸ਼ ਭੇਜ ਰਹੇ ਹਾਂ। ਅਸੀਂ ਅਜਿਹੀਆਂ ਸ਼ਰਤਾਂ ਅਤੇ ਤਨਖਾਹ ਚਾਹੁੰਦੇ ਹਾਂ ਜੋ ਅਧਿਆਪਕਾਂ ਨੂੰ ਆਕਰਸ਼ਿਤ ਕਰਨ ਅਤੇ ਅਧਿਆਪਕਾਂ ਨੂੰ ਸਾਡੇ ਪੇਸ਼ੇ ਵਿੱਚ ਬਰਕਰਾਰ ਰੱਖਣ। ਸੈਕੰਡਰੀ ਅਧਿਆਪਕਾਂ ਦੀ ਵੱਧਦੀ ਘਾਟ ਹੈ ਜੋ ਸਿਰਫ ਵਿਗੜਦੀ ਜਾ ਰਹੀ ਹੈ, ਅਤੇ ਇਸ ਲਈ ਅਸੀਂ ਸੈਕੰਡਰੀ ਸਿੱਖਿਆ ਖੇਤਰ ਦੇ ਭਵਿੱਖ ਨੂੰ ਯਕੀਨੀ ਬਣਾਉਣਾ ਚਾਹੁੰਦੇ ਹਾਂ।”