ਬੀਤੇ ਸਾਲ 27 ਦਸੰਬਰ ਨੂੰ ਮਾਤਮਾਤਾ ‘ਚ ਇੱਕ ਹਾਦਸਾ ਵਾਪਰਿਆ ਸੀ ਜਿਸ ਵਿੱਚ ਪੰਜ ਬੱਚੇ ਗੰਭੀਰ ਜ਼ਖਮੀ ਹੋ ਗਏ ਸਨ। ਉਨ੍ਹਾਂ 5 ਬੱਚਿਆਂ ਵਿੱਚੋਂ ਇੱਕ ਕਿਸ਼ੋਰ ਲੜਕੀ ਦੀ ਮੌਤ ਹੋ ਗਈ ਗਈ ਹੈ। ਪੁਲਿਸ ਨੇ ਬੁੱਧਵਾਰ ਸਵੇਰੇ ਲੜਕੀ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। 13 ਸਾਲਾਂ ਲੜਕੀ ਦੀ ਮੰਗਲਵਾਰ ਨੂੰ ਵਾਈਕਾਟੋ ਹਸਪਤਾਲ ਵਿੱਚ ਮੌਤ ਹੋ ਗਈ ਹੈ। ਹਾਦਸਾ 27 ਦਸੰਬਰ ਨੂੰ ਰਾਤ 11.55 ਵਜੇ ਦੇ ਕਰੀਬ ਮੋਰਿਨਸਵਿਲੇ-ਵਾਲਟਨ ਰੋਡ ‘ਤੇ ਵਾਪਰਿਆ ਸੀ, ਇਸ ਵਿੱਚ ਇੱਕ ਨਿਸਾਨ ਟਿੱਡਾ ਕਾਰ ਸ਼ਾਮਿਲ ਸੀ।
ਹਾਦਸੇ ਵਿੱਚ ਸ਼ਾਮਿਲ ਪੰਜ ਬੱਚਿਆਂ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ। ਇਨ੍ਹਾਂ ਦੀ ਉਮਰ 10 ਤੋਂ 13 ਸਾਲ ਦਰਮਿਆਨ ਸੀ। ਫਿਲਹਾਲ ਪੁਲਿਸ ਵੱਲੋਂ ਹਾਦਸੇ ਦੀ ਜਾਂਚ ਜਾਰੀ ਹੈ। ਇਸ ਮੌਤ ਨਾਲ ਛੁੱਟੀਆਂ ਦੌਰਾਨ ਸੜਕ ਹਾਦਸਿਆਂ ‘ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 17 ਹੋ ਗਈ ਹੈ। ਸਰਕਾਰੀ ਛੁੱਟੀਆਂ ਦੀ ਮਿਆਦ 24 ਦਸੰਬਰ, 2021 ਨੂੰ ਸ਼ਾਮ 4 ਵਜੇ ਸ਼ੁਰੂ ਹੋਈ ਸੀ ਅਤੇ 5 ਜਨਵਰੀ ਨੂੰ ਸਵੇਰੇ 6 ਵਜੇ ਸਮਾਪਿਤ ਹੋਈ ਹੈ।