ਜਨਤਕ ਖੇਤਰ ਦੇ ਲਗਭਗ 100,000 ਕਰਮਚਾਰੀਆਂ ਵੱਲੋਂ ਅੱਜ ਹੜਤਾਲ ਕੀਤੀ ਜਾ ਰਹੀ ਹੈ। ਇਸ ਕਾਰਵਾਈ ਨੂੰ “ਮਹਾਂ ਹੜਤਾਲ” ਵੱਜੋਂ ਲੇਬਲ ਕੀਤਾ ਗਿਆ ਹੈ – ਵਿੱਚ ਅਧਿਆਪਕ, ਨਰਸਾਂ, ਡਾਕਟਰਾਂ ਸਣੇ ਹੋਰ ਜਨਤਕ ਖੇਤਰ ਦੇ ਕਰਮਚਾਰੀ ਸ਼ਾਮਿਲ ਹਨ ਜੋ ਬਿਹਤਰ ਤਨਖਾਹ, ਸੁਰੱਖਿਅਤ ਸਟਾਫ ਪੱਧਰ ਅਤੇ ਬਿਹਤਰ ਕੰਮ ਕਰਨ ਦੀਆਂ ਸਥਿਤੀਆਂ ਦੀ ਮੰਗ ਕਰ ਰਹੇ ਹਨ। ਹੜਤਾਲ ਦੇ ਵਧਣ ਨਾਲ ਜਨਤਕ ਸੇਵਾਵਾਂ ਵਿੱਚ ਵਿਘਨ ਪੈਣ ਦੀ ਉਮੀਦ ਹੈ। ਹੜਤਾਲ ਵਿੱਚ ਹਿੱਸਾ ਲੈਣ ਵਾਲੀਆਂ ਮੁੱਖ ਯੂਨੀਅਨਾਂ ਵਿੱਚ ਪ੍ਰਾਇਮਰੀ ਟੀਚਰਜ਼ ਐਸੋਸੀਏਸ਼ਨ, ਪਬਲਿਕ ਸਰਵਿਸ ਐਸੋਸੀਏਸ਼ਨ, ਨਿਊਜ਼ੀਲੈਂਡ ਨਰਸ ਆਰਗੇਨਾਈਜ਼ੇਸ਼ਨ, ਪੋਸਟ ਪ੍ਰਾਇਮਰੀ ਟੀਚਰਜ਼ ਐਸੋਸੀਏਸ਼ਨ, NZEI Te Riu Roa ਅਤੇ ਐਸੋਸੀਏਸ਼ਨ ਆਫ਼ ਸੈਲਰੀਡ ਮੈਡੀਕਲ ਸਪੈਸ਼ਲਿਸਟਸ, ਜਿਨ੍ਹਾਂ ਨੂੰ ASMS ਵੀ ਕਿਹਾ ਜਾਂਦਾ ਹੈ, ਸ਼ਾਮਿਲ ਹਨ। PPTA ਦੇ ਕ੍ਰਿਸ ਐਬਰਕਰੋਮਬੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਯੂਨੀਅਨ ਦੇ ਮੈਂਬਰ ਉਨ੍ਹਾਂ ਨੂੰ ਦਿੱਤੀ ਗਈ ਤਾਜ਼ਾ ਪੇਸ਼ਕਸ਼ ਤੋਂ “ਅਪਮਾਨਿਤ” ਮਹਿਸੂਸ ਕਰ ਰਹੇ ਹਨ।
ਹਾਲਾਂਕਿ ਮੌਸਮ ਵਿਭਾਗ ਦੀਆਂ ਚਿਤਾਵਨੀਆਂ ਕਾਰਨ ਕੁਝ ਰੈਲੀਆਂ ਦੀਆਂ ਯੋਜਨਾਵਾਂ ‘ਚ ਤਬਦੀਲੀਆਂ ਕੀਤੀਆਂ ਗਈਆਂ ਹਨ, ਇਸਦੇ ਬਾਵਜੂਦ ਹੜਤਾਲ ਆਪਣੇ ਤੈਅ ਸ਼ਡਿਊਲ ਅਨੁਸਾਰ ਹੀ ਹੋਵੇਗੀ। ਅੰਦਾਜ਼ਾ ਹੈ ਕਿ ਲਗਭਗ 1 ਲੱਖ ਕਰਮਚਾਰੀ ਵੀਰਵਾਰ ਨੂੰ ਕੰਮ ਛੱਡ ਰਹੇ ਹਨ। ਪੂਰੇ Aotearoa ਵਿੱਚ ਕਈ ਹੋਰ ਯੋਜਨਾਬੱਧ ਸਮਾਗਮ ਅਜੇ ਵੀ ਜਾਰੀ ਹਨ। ਹੈਲਥ ਨਿਊਜ਼ੀਲੈਂਡ ਦੇ ਮੁੱਖ ਕਾਰਜਕਾਰੀ ਡਾ. ਡੇਲ ਬ੍ਰੈਮਲੇ ਨੇ ਕਿਹਾ ਕਿ ਹੜਤਾਲਾਂ ਦੌਰਾਨ ਮਰੀਜ਼ਾਂ ਦੀ ਸੁਰੱਖਿਆ ਇੱਕ ਤਰਜੀਹ ਰਹੇਗੀ। “ਹੜਤਾਲਾਂ ਦੌਰਾਨ ਹਸਪਤਾਲ, ਐਮਰਜੈਂਸੀ ਵਿਭਾਗ, ਮਾਨਸਿਕ ਸਿਹਤ ਇਕਾਈਆਂ ਅਤੇ ਕੁਝ ਕਮਿਊਨਿਟੀ ਸੇਵਾਵਾਂ ਖੁੱਲ੍ਹੀਆਂ ਰਹਿਣਗੀਆਂ, ਯੂਨੀਅਨ ਮੈਂਬਰ ਸਾਡੇ ਗੈਰ-ਹੜਤਾਲ ਸਟਾਫ ਨੂੰ ਜੀਵਨ-ਰੱਖਿਅਕ ਸੇਵਾਵਾਂ ਪ੍ਰਦਾਨ ਕਰਨ ਵਿੱਚ ਸਹਾਇਤਾ ਕਰਨਗੇ।”