ਇਸ ਸਮੇਂ ਸਕੂਲਾਂ ਦੇ ਨਾਲ ਜੁੜੀ ਇੱਕ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ, ਪੁਲਿਸ ਦਾ ਕਹਿਣਾ ਹੈ ਕਿ ਉੱਤਰੀ ਆਈਲੈਂਡ ਦੇ ਕਈ ਸਕੂਲਾਂ ਨੂੰ ਫੋਨ ਕਰਕੇ ਧਮਕੀਆਂ ਦਿੱਤੀਆਂ ਗਈਆਂ ਹਨ। ਉੱਤਰੀ ਆਈਲੈਂਡ ਦੇ ਕੁੱਝ ਸਕੂਲਾਂ ਨੂੰ ਧਮਕੀਆਂ ਦਿੱਤੇ ਜਾਣ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ, ਸਕੂਲਾਂ ਨੂੰ ਖਾਲੀ ਕਰ ਦਿੱਤਾ ਗਿਆ ਹੈ ਅਤੇ ਕਈ ਸਕੂਲਾਂ ‘ਚ ਲੌਕਡਾਊਨ ਲਗਾ ਦਿੱਤਾ ਗਿਆ ਹੈ ਅਤੇ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨੂੰ ਲਿਜਾਣ ਲਈ ਕਿਹਾ ਗਿਆ ਸੀ।
ਪ੍ਰਭਾਵਿਤ ਸਕੂਲਾਂ ਵਿੱਚ ਗਿਸਬੋਰਨ ਵਿੱਚ ਮਤਾਮਤਾ ਇੰਟਰਮੀਡੀਏਟ, ਮਤਾਮਤਾ ਕਾਲਜ, ਪਹਿਲਾ ਪ੍ਰਾਇਮਰੀ ਸਕੂਲ, ਕੈਂਬਰਿਜ ਹਾਈ ਸਕੂਲ ਅਤੇ ਲਿਟਨ ਹਾਈ ਸਕੂਲ ਸ਼ਾਮਿਲ ਹਨ। ਪੁਲਿਸ ਨੇ ਇੱਕ ਬਿਆਨ ਵਿੱਚ ਕਿਹਾ, “ਪੁਲਿਸ ਉੱਤਰੀ ਆਈਲੈਂਡ ਦੇ ਕਈ ਸਕੂਲਾਂ ਦੇ ਸਬੰਧ ਵਿੱਚ ਫ਼ੋਨ ਰਾਹੀਂ ਦਿੱਤੀਆਂ ਧਮਕੀਆਂ ਤੋਂ ਜਾਣੂ ਹੈ। ਪੁਲਿਸ ਸਕੂਲਾਂ ਨਾਲ ਤਾਲਮੇਲ ਕਰ ਰਹੀ ਹੈ ਅਤੇ ਹੋਰ ਪੁੱਛਗਿੱਛ ਕਰ ਰਹੀ ਹੈ।” ਦੱਸ ਦੇਈਏ ਕਿ ਵਾਈਕਾਟੋ ਅਤੇ ਥੇਮਸ ਕੋਰੋਮੰਡਲ ਜ਼ਿਲ੍ਹਿਆਂ ਵਿੱਚ ਘੱਟੋ-ਘੱਟ ਪੰਜ ਸਕੂਲ ਤਾਲਾਬੰਦ ਕੀਤੇ ਗਏ ਹਨ।