ਬਲੱਫ ਵਿੱਚ ਇੱਕ ਜਹਾਜ਼ ਵਿੱਚ ਸ਼ਨੀਵਾਰ ਨੂੰ ਹੋਏ ਧਮਾਕੇ ਤੋਂ ਬਾਅਦ ਤਿੰਨ ਚਾਲਕ ਦਲ ਦੇ ਮੈਂਬਰ ਜ਼ਖਮੀ ਹੋ ਗਏ ਸਨ, ਜਿਨ੍ਹਾਂ ਵਿੱਚੋਂ ਦੋ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋਏ ਸਨ। ਇਹ ਘਟਨਾ ਸ਼ਨੀਵਾਰ ਸਵੇਰੇ ਲਗਭਗ 3.15 ਵਜੇ ਜਹਾਜ਼ ਦੇ ਇੰਜਣ ਕਮਰੇ ਵਿੱਚ ਇੱਕ ਬਾਇਲਰ ‘ਤੇ ਕੰਮ ਕਰਦੇ ਸਮੇਂ ਵਾਪਰੀ ਸੀ। ਟਰਾਂਸਪੋਰਟ ਐਕਸੀਡੈਂਟ ਇਨਵੈਸਟੀਗੇਸ਼ਨ ਕਮਿਸ਼ਨ ਨੇ ਸੋਮਵਾਰ ਨੂੰ ਦੱਖਣੀ ਬੰਦਰਗਾਹ ‘ਤੇ ਮਾਲਟਾ ਰਜਿਸਟਰਡ ਬਲਕ ਕੈਰੀਅਰ ਐਮਵੀ ਓਲੀਵੀਆ ‘ਤੇ ਵਾਪਰੀ ਘਟਨਾ ਦੀ ਜਾਂਚ ਸ਼ੁਰੂ ਕੀਤੀ ਹੈ। ਜਾਂਚ ਦਾ ਐਲਾਨ ਕਰਦੇ ਹੋਏ ਰਿਲੀਜ਼ ਕੀਤੇ ਬਿਆਨ ‘ਚ ਲਿਖਿਆ ਗਿਆ ਹੈ ਕਿ, “ਐਮਵੀ ਓਲੀਵੀਆ ‘ਤੇ ਸਵਾਰ ਤਿੰਨ ਚਾਲਕ ਦਲ ਦੇ ਮੈਂਬਰ ਇੰਜਣ ਕਮਰੇ ਵਿੱਚ ਇੱਕ ਬਾਇਲਰ ‘ਤੇ ਕੰਮ ਕਰ ਰਹੇ ਸਨ। ਇਸ ਪ੍ਰਕਿਰਿਆ ਦੌਰਾਨ, ਇੱਕ ਧਮਾਕਾ ਜਾਂ ਫਲੈਸ਼ਬੈਕ ਹੋਇਆ, ਜਿਸ ਕਾਰਨ ਤਿੰਨ ਚਾਲਕ ਦਲ ਦੇ ਮੈਂਬਰ ਜ਼ਖਮੀ ਹੋ ਗਏ। ਟਰਾਂਸਪੋਰਟ ਐਕਸੀਡੈਂਟ ਇਨਵੈਸਟੀਗੇਸ਼ਨ ਕਮਿਸ਼ਨ ਇਸ ‘ਗੰਭੀਰ ਸਮੁੰਦਰੀ ਹਾਦਸੇ’ ਦੀ ਜਾਂਚ ਕਰ ਰਿਹਾ ਹੈ ਜਿਵੇਂ ਕਿ ਅੰਤਰਰਾਸ਼ਟਰੀ ਸਮੁੰਦਰੀ ਸੰਗਠਨ ਦੇ ਕੈਜ਼ੂਅਲਟੀ ਇਨਵੈਸਟੀਗੇਸ਼ਨ ਕੋਡ ਦੇ ਤਹਿਤ ਲੋੜ ਹੈ।”
ਸੇਂਟ ਜੌਨ ਨੇ ਕਿਹਾ ਕਿ ਉਨ੍ਹਾਂ ਨੇ ਇੱਕ ਰੈਪਿਡ ਰਿਸਪਾਂਸ ਯੂਨਿਟ ਅਤੇ ਦੋ ਐਂਬੂਲੈਂਸਾਂ ਨਾਲ ਘਟਨਾ ਸਥਾਨ ‘ਤੇ ਜਵਾਬ ਦਿੱਤਾ ਸੀ। ਸਾਡੇ ਅਮਲੇ ਨੇ ਤਿੰਨ ਮਰੀਜ਼ਾਂ ਦਾ ਮੁਲਾਂਕਣ ਕੀਤਾ ਅਤੇ ਉਨ੍ਹਾਂ ਦਾ ਇਲਾਜ ਕੀਤਾ, ਇੱਕ ਦਰਮਿਆਨੀ ਹਾਲਤ ਵਿੱਚ ਅਤੇ ਦੋ ਗੰਭੀਰ ਹਾਲਤ ਵਿੱਚ ਜਿਨ੍ਹਾਂ ਨੂੰ ਸਾਊਥਲੈਂਡ ਹਸਪਤਾਲ ਲਿਜਾਇਆ ਗਿਆ ਸੀ।” ਫਾਇਰ ਐਂਡ ਐਮਰਜੈਂਸੀ ਨਿਊਜ਼ੀਲੈਂਡ ਨੇ ਬਲਫ ਅਤੇ ਇਨਵਰਕਾਰਗਿਲ ਤੋਂ ਦੋ ਚਾਲਕ ਦਲ ਦੇ ਮੈਂਬਰਾਂ ਨਾਲ ਘਟਨਾ ਦਾ ਜਵਾਬ ਦਿੱਤਾ ਸੀ। ਇੱਕ ਬੁਲਾਰੇ ਨੇ ਕਿਹਾ ਕਿ, “ਇੱਕ ਛੋਟੀ ਜਿਹੀ ਅੱਗ ਲੱਗੀ ਸੀ, ਪਰ ਫਾਇਰ ਐਂਡ ਐਮਰਜੈਂਸੀ ਨਿਊਜ਼ੀਲੈਂਡ ਦੇ ਹਾਜ਼ਰ ਹੋਣ ਤੋਂ ਪਹਿਲਾਂ ਹੀ ਇਹ ਬੁਝ ਗਈ ਸੀ।”