“ਡਿਵਾਈਸਾਂ ਦੁਰਵਰਤੋਂ ਅਤੇ ਅਣਉਚਿਤ ਸਮੱਗਰੀ” ਦੇ ਸੰਬੰਧ ਵਿੱਚ ਨਿਊਜ਼ੀਲੈਂਡ ਦੇ ਤਿੰਨ ਪੁਲਿਸ ਕਰਮਚਾਰੀਆਂ ਵਿਰੁੱਧ ਅਪਰਾਧਿਕ ਜਾਂਚ ਸ਼ੁਰੂ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਖੁਲਾਸਾ ਹੋਇਆ ਸੀ ਕਿ ਕਈ ਪੁਲਿਸ ਕਰਮਚਾਰੀ ਜਾਂਚ ਅਧੀਨ ਹਨ, ਜਿਨ੍ਹਾਂ ਵਿੱਚ ਇੱਕ ਅਧਿਕਾਰੀ ਵੀ ਸ਼ਾਮਿਲ ਹੈ ਜਿਸਨੂੰ ਪੁਲਿਸ ਦੁਆਰਾ ਜਾਰੀ ਕੀਤੇ ਗਏ ਡਿਵਾਈਸ ‘ਤੇ ਅਣਉਚਿਤ ਸਮੱਗਰੀ ਮਿਲਣ ਤੋਂ ਬਾਅਦ ਬਰਖਾਸਤ ਕਰ ਦਿੱਤਾ ਗਿਆ ਸੀ। ਇਹ ਖੁਲਾਸੇ ਸਾਬਕਾ ਡਿਪਟੀ ਪੁਲਿਸ ਕਮਿਸ਼ਨਰ ਜੇਵੋਨ ਮੈਕਸਕਿਮਿੰਗ ਦੇ ਅਸਤੀਫੇ ਤੋਂ ਬਾਅਦ ਸ਼ੁਰੂ ਹੋਏ ਸਟਾਫ ਦੇ ਇੰਟਰਨੈਟ ਵਰਤੋਂ ਦੇ ਆਡਿਟ ਦੌਰਾਨ ਹੋਏ ਹਨ।
ਕਾਰਜਕਾਰੀ ਡਿਪਟੀ ਪੁਲਿਸ ਕਮਿਸ਼ਨਰ ਜਿਲ ਰੋਜਰਸ ਨੇ ਵੀਰਵਾਰ ਨੂੰ ਮੀਡੀਆ ਨੂੰ ਦੱਸਿਆ ਕਿ “ਦੁਰਵਰਤੋਂ ਅਤੇ ਅਣਉਚਿਤ ਸਮੱਗਰੀ” ਦੇ ਸੰਬੰਧ ਵਿੱਚ ਜਾਂਚ ਅਧੀਨ 20 ਵਿੱਚੋਂ ਛੇ ਸਟਾਫ ਮੈਂਬਰਾਂ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਛੇ ਦੀ ਗੰਭੀਰ ਮਾਮਲਿਆਂ ਲਈ ਜਾਂਚ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ ਸੰਭਾਵੀ ਤੌਰ ‘ਤੇ ਇਤਰਾਜ਼ਯੋਗ ਸਮੱਗਰੀ ਤੱਕ ਪਹੁੰਚ ਕਰਨਾ, ਜਾਂ ਅਣਉਚਿਤ ਸਮੱਗਰੀ ਤੱਕ ਪਹੁੰਚ ਕਰਨਾ ਸ਼ਾਮਿਲ ਹੈ ਜਦੋਂ ਕਿ ਵੱਖਰੇ ਦੁਰਵਿਵਹਾਰ ਦੇ ਮਾਮਲਿਆਂ ਦੇ ਅਧੀਨ ਵੀ ਜਾਂਚ ਹੋ ਰਹੀ ਹੈ।” ਰੋਜਰਸ ਨੇ ਅੱਗੇ ਕਿਹਾ ਕਿ ਜਾਂਚ ‘ਚ ਘਿਰੇ ਕੁਝ ਸਟਾਫ ਦੇ ਸਮੱਗਰੀ ਤੱਕ ਪਹੁੰਚ ਕਰਨ ਦੇ ਜਾਇਜ਼ ਉਦੇਸ਼ ਹੋ ਸਕਦੇ ਹਨ, ਜਿਸਦੀ ਪੁਲਿਸ ਆਪਣੀ ਪੁੱਛਗਿੱਛ ਰਾਹੀਂ ਪੁਸ਼ਟੀ ਕਰੇਗੀ। ਜਦਕਿ ਤਿੰਨ ਮਾਮਲਿਆਂ ਵਿੱਚ ਅਪਰਾਧਿਕ ਜਾਂਚ ਕੀਤੀ ਜਾ ਰਹੀ ਹੈ।”