ਸਟੈਟਸ NZ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ ਦਸੰਬਰ ਤਿਮਾਹੀ ਵਿੱਚ ਬੇਰੁਜ਼ਗਾਰੀ ਦੀ ਦਰ 3.4% ਤੱਕ ਪਹੁੰਚ ਗਈ ਹੈ। ਪਿਛਲੀ ਤਿਮਾਹੀ ਦੌਰਾਨ ਬੇਰੁਜ਼ਗਾਰੀ ਦੀ ਦਰ 3.3% ਸੀ। ਪਰ ਅੱਜ ਦਾ ਅੰਕੜਾ ਕੁੱਝ ਅਰਥਸ਼ਾਸਤਰੀਆਂ ਦੀਆਂ ਉਮੀਦਾਂ ਤੋਂ ਵੱਧ ਹੈ। ASB ਅਤੇ ANZ ਅਰਥਸ਼ਾਸਤਰੀਆਂ ਨੇ ਸੁਝਾਅ ਦਿੱਤਾ ਸੀ ਕਿ ਸਰਕਾਰੀ ਬੇਰੁਜ਼ਗਾਰੀ ਦਰ 3.2% ਦੇ ਰਿਕਾਰਡ ਹੇਠਲੇ ਪੱਧਰ ‘ਤੇ ਵਾਪਿਸ ਆ ਜਾਵੇਗੀ – ਜਿਵੇਂ ਕਿ ਪਿਛਲੇ ਸਾਲ ਦੇ ਸ਼ੁਰੂ ਵਿੱਚ ਦੇਖਿਆ ਗਿਆ ਸੀ। ਸਟੈਟਸ ਨਿਊਜ਼ੀਲੈਂਡ ਵਰਕ ਐਂਡ ਵੇਲਬੀਇੰਗ ਸਟੈਟਿਸਟਿਕਸ ਦੇ ਸੀਨੀਅਰ ਮੈਨੇਜਰ ਬੇਕੀ ਕੋਲੇਟ ਨੇ ਕਿਹਾ ਕਿ ਬੇਰੋਜ਼ਗਾਰੀ ਦੀ ਦਰ ਅਜੇ ਵੀ ਇਤਿਹਾਸਕ ਹੇਠਲੇ ਪੱਧਰ ‘ਤੇ ਬਣੀ ਹੋਈ ਹੈ।
