Waikato ਵਿੱਚ ਇੱਕ ਡੇਅਰੀ ਫਾਰਮ ਚਲਾਉਣ ਵਾਲੇ ਪੰਜਾਬੀ ਕਾਰੋਬਾਰੀ ਨੂੰ ਕਰਮਚਾਰੀ ਨੂੰ ਸਿਰਫ਼ ਟੈਕਸਟ ਮੈਸੇਜ ਭੇਜ ਕੇ ਨੌਕਰੀ ਤੋਂ ਕੱਢਣਾ ਮਹਿੰਗਾ ਪਿਆ ਹੈ। ਇਸ ਕਾਰਨ ਹੁਣ ਕਾਰੋਬਾਰੀ ਨੂੰ ਜੁਰਮਾਨਾ ਭਰਨਾ ਪਿਆ ਹੈ। ਰੁਜ਼ਗਾਰ ਸੰਬੰਧ ਅਥਾਰਟੀ ਨੇ ਫੈਸਲਾ ਦਿੱਤਾ ਕਿ RSK Farming Limited ਨੇ ਕਰਮਚਾਰੀ ਐਮੇਲਜ਼ਾ ਵਿਂਟਰ ਨੂੰ ਲਿਖਤੀ ਰੁਜ਼ਗਾਰ ਸਮਝੌਤਾ ਨਹੀਂ ਦਿੱਤਾ ਅਤੇ ਤਨਖਾਹ ਤੇ ਕੰਮ ਦੇ ਘੰਟਿਆਂ ਦਾ ਸਹੀ ਰਿਕਾਰਡ ਵੀ ਨਹੀਂ ਰੱਖਿਆ। ਮਾਮਲਾ ਉਸ ਵੇਲੇ ਵਧ ਗਿਆ ਜਦੋਂ ਕੰਪਨੀ ਦੇ ਸਾਂਝੇ ਮਾਲਕ Rupinder Singh Heer ਨੇ ਕਰਮਚਾਰੀ ਨੂੰ ਮੈਸੇਜ ਭੇਜ ਕੇ ਕਾਟੇਜ ਖਾਲੀ ਕਰਨ ਲਈ ਕਿਹਾ। ਮੈਸੇਜ ਵਿੱਚ ਲਿਖਿਆ ਗਿਆ ਸੀ ਕਿ ਉਹ ਫਾਰਮ ਦੀਆਂ ਲੋੜਾਂ ਲਈ “ਉਚਿਤ ਨਹੀਂ” ਹੈ।
ਅਥਾਰਟੀ ਨੇ ਕਿਹਾ ਕਿ ਭਾਵੇਂ ਕਰਮਚਾਰੀ ਦੀ ਗਲਤ ਬਰਖਾਸਤਗੀ ਵਾਲੀ ਸ਼ਿਕਾਇਤ ਸਫਲ ਨਹੀਂ ਹੋਈ, ਪਰ ਕੰਪਨੀ ਵੱਲੋਂ ਕਾਨੂੰਨੀ ਦਸਤਾਵੇਜ਼ ਨਾ ਦੇਣਾ “ਗੰਭੀਰ ਉਲੰਘਣਾ” ਸੀ।
ਫੈਸਲੇ ਤਹਿਤ ਕੰਪਨੀ ਨੂੰ 750 ਡਾਲਰ ਕਰਮਚਾਰੀ ਅਤੇ 500 ਡਾਲਰ ਸਰਕਾਰ ਨੂੰ ਜੁਰਮਾਨੇ ਵਜੋਂ ਅਦਾ ਕਰਨ ਦੇ ਹੁਕਮ ਦਿੱਤੇ ਗਏ ਹਨ।