ਕੱਲ੍ਹ ਪੱਛਮੀ ਆਕਲੈਂਡ ਦੇ ਇੱਕ ਬਿਲਡਰ ਨੂੰ 200 ਕਿਲੋਗ੍ਰਾਮ ਮੈਥ ਦੀ ਖੇਪ ਇਕੱਠੀ ਕਰਨ ਦੇ ਦੋਸ਼ ਵਿੱਚ ਪੰਜ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਏ ਜਾਣ ਦਾ ਇੱਕ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਦੇ ਰਾਸ਼ਟਰੀ ਸੰਗਠਿਤ ਅਪਰਾਧ ਸਮੂਹ ਦੇ ਮੁਖੀ, ਡਿਟੈਕਟਿਵ ਸੁਪਰਡੈਂਟ ਗ੍ਰੇਗ ਵਿਲੀਅਮਜ਼ ਨੇ ਦੱਸਿਆ ਕਿ 200 ਕਿਲੋਗ੍ਰਾਮ ਮੈਥ ਫੜੇ ਜੋਸ਼ੂਆ ਔਈਨਾ-ਅਨੇ ਨੂੰ ਉਮੀਦ ਸੀ ਕਿ ਉਹ ਇਸ ਖੇਪ ਨੂੰ ਵੇਚ ਚੰਗੇ ਪੈਸੇ ਕਮਾ ਲਏਗਾ। ਅਦਾਲਤ ਕਿਹਾ ਕਿ ਸ਼ਾਤਰ ਨੌਜਵਾਨ ਨੂੰ ਲੱਗਦਾ ਸੀ ਕਿ ਉਹ ਮੁਲਕ ਚ ਸਭ ਤੋਂ ਜਿਆਦਾ ਨਸ਼ੀਲਾ ਪਦਾਰਥ ਅਯਾਤ ਕਰਨ ਦੇ ਵਿੱਚ ਸਫਲਤਾ ਹਾਸਿਲ ਕਰ ਲਵੇਗਾ ਪਰ ਉਹ ਚੀਨ ਦੇ ਤਸਕਰੀ ਵਿਰੋਧੀ ਅਤੇ NZ ਕਸਟਮ ਅਤੇ ਪੁਲਿਸ ਦੇ ਅੜਿੱਕੇ ਚੜ ਗਿਆ ਨਸ਼ੀਲੇ ਪਦਾਰਥ ਨੂੰ ਚੀਨ ਦੇ ਰਸਤੇੋਂ ਲਿਆਂਦਾ ਜਾ ਰਿਹਾ ਸੀ। ਪੁਲਿਸ ਦੇ ਵੱਲੋਂ ਨੌਜਵਾਨ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ ਵਿੱਚ ਪੇਸ਼ ਕੀਤਾ ਜਿੱਥੇ ਜੱਜ ਵੱਲੋਂ ਉਸਨੂੰ ਪੰਜ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਅਦਾਲਤੀ ਦਸਤਾਵੇਜਾਂ ਤੋਂ ਪਤਾ ਲੱਗਦਾ ਹੈ ਕਿ ਬਿਲਡਰ ਨੇ ਨਸ਼ੀਲਾ ਪਦਾਰਥ ਲਿਆਉਣ ਲਈ ਗ੍ਰੇਨਾਈਟ ਦੀਆਂ ਪਲੇਟਾਂ ਦੀ ਵਰਤੋਂ ਕੀਤੀ ਸੀ।
