ਆਕਲੈਂਡ ਤੋਂ ਇੱਕ ਘਰ ਦੇ ਨਾਲ ਜੁੜੀ ਇੱਕ ਹੈਰਾਨੀਜਨਕ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਇੱਥੇ ਇੱਕ ਪੁਰਾਣੇ ਘਰ ਨੂੰ ਨਵਾਂ ਦੱਸ ਵੇਚਣ ਵਾਲੇ ਮਾਲਕ ਨੂੰ $500,000 ਦਾ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਆਕਲੈਂਡ ਦਾ ਇਹ ਘਰ ਇੱਕ ਮਹਿਲਾ ਦੇ ਵੱਲੋਂ ਖਰੀਦਿਆ ਗਿਆ ਸੀ ਉਸ ਨੂੰ ਤਾਂ ਘਰ ਨਵਾਂ ਕਹਿ ਕਿ ਵੇਚਿਆ ਗਿਆ ਸੀ ਅਸਲ ‘ਚ ਇਹ ਘਰ ਪੁਰਾਣਾ ਹੋਣ ਦੇ ਨਾਲ -ਨਾਲ ਲੀਕ ਕਰਦਾ ਸੀ। ਇਸ ਦੀ ਲੱਕੜ ਸੜੀ ਹੋਈ ਹੈ ਅਤੇ ਇਸਦਾ ਢਾਂਚਾ ਕਮਜ਼ੋਰ ਹੈ। ਕੋਰਟ ਨੂੰ ਪਤਾ ਲੱਗਿਆ ਕਿ ਘਰ ਵੇਚਣ ਵਾਲੇ ਅਤੇ ਉਸ ਦੇ ਇੰਸਪੈਕਟਰ ਨੇ ਜਾਣ-ਬੁਝ ਕੇ ਇਨ੍ਹਾਂ ਕਮੀਆਂ ਨੂੰ ਲੁਕਾਇਆ ਸੀ। ਇਮਾਰਤ ਵਿੱਚ ਨਮੀ ਦੇ ਅਸਰ ਨੂੰ ਲੁਕਾਉਣ ਲਈ ਘਰ ਦਿਖਾਉਣ ਸਮੇਂ ਡੀਹਿਊਮੀਡੀਫਾਇਰ ਚਲਾਇਆ ਗਿਆ ਸੀ ਅਤੇ ਦਸਤਾਵੇਜ਼ਾਂ ‘ਚ ਵੀ ਕਥਿਤ ਤੌਰ ‘ਤੇ ਝੂਠੀ ਜਾਣਕਾਰੀ ਦਿੱਤੀ ਗਈ ਸੀ। ਸੁਣਵਾਈ ਕਰ ਰਹੇ ਜੱਜ ਨੇ ਇਸ ਮਾਮਲੇ ਨੂੰ “ਧੋਖਾਧੜੀ ਅਤੇ ਬੇਈਮਾਨੀ” ਕਰਾਰ ਦਿੱਤਾ। ਮੁਕੱਦਮੇ ਤੋਂ ਬਾਅਦ ਖਰੀਦਦਾਰ ਨੂੰ ਨਾ ਸਿਰਫ਼ ਮੁਰੰਮਤ ਲਈ ਲਾਗਤ, ਸਗੋਂ ਮਹਿਲਾ ਨੂੰ ਇਸ ਸਭ ਲਈ ਜੋ ਮਾਨਸਿਕ ਪ੍ਰੇਸ਼ਾਨੀ ਝੱਲਣੀ ਪਈ, ਉਸ ਲਈ ਵੀ ਹਰਜਾਨਾ ਭਰਨ ਦੇ ਹੁਕਮ ਦਿੱਤੇ ਗਏ।
