ਸਿਹਤ ਮੰਤਰਾਲੇ ਦੇ ਅਨੁਸਾਰ, ਐਤਵਾਰ ਨੂੰ ਦੇਸ਼ ਵਿੱਚ 14,941 ਨਵੇਂ ਕੋਵਿਡ -19 ਕਮਿਊਨਿਟੀ ਕੇਸ ਸਾਹਮਣੇ ਆਏ ਹਨ ਜਦਕਿ ਇੱਕ ਵਿਅਕਤੀ ਦੀ ਮੌਤ ਹੋਈ ਹੈ। ਰੈਪਿਡ ਐਂਟੀਜੇਨ ਟੈਸਟਾਂ (ਆਰਏਟੀ) ਅਤੇ ਪੀਸੀਆਰ ਟੈਸਟਾਂ ਦੁਆਰਾ ਖੋਜੇ ਗਏ ਸਕਾਰਾਤਮਕ ਕੇਸ ਨੌਰਥਲੈਂਡ (225), ਆਕਲੈਂਡ (9,046), ਵਾਈਕਾਟੋ (1,519), ਬੇ ਆਫ ਪਲੇਨਟੀ (812), ਲੇਕਸ (208), ਹਾਕਸ ਬੇ (136), ਮਿਡਸੈਂਟਰਲ (142), ਵੰਗਾਨੁਈ (19), ਤਾਰਾਨਾਕੀ (100), ਤਾਇਰਾਵਿਟੀ (69), ਵੈਰਾਰਾਪਾ (45), ਕੈਪੀਟਲ ਐਂਡ ਕੋਸਟ (516), ਹੱਟ ਵੈਲੀ (373), ਨੈਲਸਨ ਮਾਰਲਬਰੋ (158), ਕੈਂਟਰਬਰੀ (981), ਦੱਖਣ ਕੈਂਟਰਬਰੀ (44), ਦੱਖਣੀ (532), ਵੈਸਟ ਕੋਸਟ (9); ਅਗਿਆਤ (5) ਵਿੱਚ ਦਰਜ ਕੀਤੇ ਗਏ ਹਨ।
ਵਾਇਰਸ ਕਾਰਨ ਹਸਪਤਾਲ ਵਿੱਚ 305 ਲੋਕ ਹਨ, ਜਿਨ੍ਹਾਂ ਵਿੱਚ ਪੰਜ ਉੱਚ ਨਿਰਭਰਤਾ ਜਾਂ ਇੰਟੈਂਸਿਵ ਕੇਅਰ ਯੂਨਿਟ ਅਧੀਨ ਹਨ। ਮੰਤਰਾਲੇ ਨੇ ਘੋਸ਼ਿਤ ਮੌਤ ਬਾਰੇ ਕਿਹਾ, “ਕੱਲ੍ਹ ਇੱਕ ਨੌਰਥਲੈਂਡ ਹਸਪਤਾਲ ਵਿੱਚ ਇੱਕ ਮਰੀਜ਼ ਦੀ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਸਰਹੱਦ ‘ਤੇ 41 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਮੰਤਰਾਲੇ ਨੇ ਕਿਹਾ ਕਿ ਹਾਲ ਹੀ ਦੇ ਮਾਮਲਿਆਂ ਦਾ ਵੱਡਾ ਹਿੱਸਾ 30 ਸਾਲ ਤੋਂ ਘੱਟ ਉਮਰ ਦੇ ਹਨ।