ਬੀਤੇ ਦਿਨੀ ਆਕਲੈਂਡ ਵਿਖੇ 1st NZ Punjabi Game’s 2025 ਦੌਰਾਨ ਜਿੱਥੇ ਸ਼ਾਨਦਾਰ ਮੁਕਾਬਲੇ ਦੇਖਣ ਨੂੰ ਮਿਲੇ ਉੱਥੇ ਹੀ ਇਸ ਦੌਰਾਨ ਕਈ ਰਿਕਾਰਡ ਵੀ ਟੁੱਟੇ । ਇਸ ਦੌਰਾਨ ਮਾਂ ਖੇਡ ਕਬੱਡੀ ਦਾ ਦਰਸ਼ਕਾਂ ਨੇ ਖੂਬ ਅਨੰਦ ਮਾਣਿਆ। ਪਰ ਜਦੋਂ ਫਾਈਨਲ ਮੈਚ ਤੋਂ ਬਾਅਦ ਪੰਜਾਬੀ ਗਾਇਕ ਬੱਬੂ ਮਾਨ ਸਟੇਜ ਦੇ ਉੱਪਰ ਪਹੁੰਚੇ ਤਾਂ ਇਕੱਠ ਵਾਲੇ ਸਾਰੇ ਹੀ ਰਿਕਾਰਡ ਟੁੱਟ ਗਏ। ਮੌਕੇ ਤੇ ਮੌਜੂਦ ਕੁਝ ਵਿਅਕਤੀਆਂ ਨੇ ਸੋਸ਼ਲ ਮੀਡੀਆ ਉੱਤੇ ਦਾਅਵਾ ਕੀਤਾ ਹੈ ਕਿ ਇਸ ਦੌਰਾਨ 20000 ਦੇ ਕਰੀਬ ਲੋਕਾਂ ਦਾ ਇਕੱਠ ਸੀ। ਦੱਸ ਦੇਈਏ ਪਹਿਲੀਆਂ NZ ਪੰਜਾਬੀ ਗੇਮਸ ਦੇ ਮੌਕੇ ਨਿਊਜ਼ੀਲੈਂਡ ‘ਚ ਬੱਬੂ ਮਾਨ ਦਾ ਪਹਿਲੀ ਵਾਰ ਖੁੱਲਾ ਅਖਾੜਾ ਲੱਗਾ ਸੀ। ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਉਨਾਂ ਦੇ ਵੱਲੋਂ ਜਿਸ ਤਰ੍ਹਾਂ ਦੀ ਉਮੀਦ ਕੀਤੀ ਗਈ ਸੀ ਦਰਸ਼ਕਾਂ ਦਾ ਇਕੱਠ ਉਸ ਤੋਂ ਵੀ ਕਿਤੇ ਜਿਆਦਾ ਸੀ। ਇਸ ਦੌਰਾਨ ਕੀਤੇ ਗਏ ਪ੍ਰਬੰਧ ਵੀ ਦਰਸ਼ਕਾਂ ਦੇ ਇਕੱਠ ਅੱਗੇ ਫਿੱਕੇ ਪੈਂਦੇ ਹੋਏ ਨਜ਼ਰ ਆਏ।
ਬੀਤੇ ਦਿਨੀ ਆਕਲੈਂਡ ਵਿਖੇ 1st NZ Punjabi Game’s 2025 ਦੌਰਾਨ ਜਿੱਥੇ ਸ਼ਾਨਦਾਰ ਮੁਕਾਬਲੇ ਦੇਖਣ ਨੂੰ ਮਿਲੇ ਉੱਥੇ ਹੀ ਇਸ ਦੌਰਾਨ ਕਈ ਰਿਕਾਰਡ ਵੀ ਟੁੱਟੇ । ਇਸ ਦੌਰਾਨ ਮਾਂ ਖੇਡ ਕਬੱਡੀ ਦਾ ਦਰਸ਼ਕਾਂ ਨੇ ਖੂਬ ਅਨੰਦ ਮਾਣਿਆ। ਪਰ ਜਦੋਂ ਫਾਈਨਲ ਮੈਚ ਤੋਂ ਬਾਅਦ ਪੰਜਾਬੀ ਗਾਇਕ ਬੱਬੂ ਮਾਨ ਸਟੇਜ ਦੇ ਉੱਪਰ ਪਹੁੰਚੇ ਤਾਂ ਇਕੱਠ ਵਾਲੇ ਸਾਰੇ ਹੀ ਰਿਕਾਰਡ ਟੁੱਟ ਗਏ। ਮੌਕੇ ਤੇ ਮੌਜੂਦ ਕੁਝ ਵਿਅਕਤੀਆਂ ਨੇ ਸੋਸ਼ਲ ਮੀਡੀਆ ਉੱਤੇ ਦਾਅਵਾ ਕੀਤਾ ਹੈ ਕਿ ਇਸ ਦੌਰਾਨ 20000 ਦੇ ਕਰੀਬ ਲੋਕਾਂ ਦਾ ਇਕੱਠ ਸੀ। ਦੱਸ ਦੇਈਏ ਪਹਿਲੀਆਂ NZ ਪੰਜਾਬੀ ਗੇਮਸ ਦੇ ਮੌਕੇ ਨਿਊਜ਼ੀਲੈਂਡ ‘ਚ ਬੱਬੂ ਮਾਨ ਦਾ ਪਹਿਲੀ ਵਾਰ ਖੁੱਲਾ ਅਖਾੜਾ ਲੱਗਾ ਸੀ। ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਉਨਾਂ ਦੇ ਵੱਲੋਂ ਜਿਸ ਤਰ੍ਹਾਂ ਦੀ ਉਮੀਦ ਕੀਤੀ ਗਈ ਸੀ ਦਰਸ਼ਕਾਂ ਦਾ ਇਕੱਠ ਉਸ ਤੋਂ ਵੀ ਕਿਤੇ ਜਿਆਦਾ ਸੀ। ਇਸ ਦੌਰਾਨ ਕੀਤੇ ਗਏ ਪ੍ਰਬੰਧ ਵੀ ਦਰਸ਼ਕਾਂ ਦੇ ਇਕੱਠ ਅੱਗੇ ਫਿੱਕੇ ਪੈਂਦੇ ਹੋਏ ਨਜ਼ਰ ਆਏ।
ਦੱਸ ਦੇਈਏ ਕਬੱਡੀ ਫੈਡਰੇਸ਼ਨ ਆਫ ਨਿਊਜ਼ੀਲੈਂਡ ਦੇ ਵੱਲੋਂ ਇਸ ਦੌਰਾਨ ਦੁਨੀਆਂ ਭਰ ਤੋਂ ਕਈ ਚੋਟੀ ਦੇ ਖਿਡਾਰੀਆਂ ਨੂੰ ਨਿਊਜ਼ੀਲੈਂਡ ਖੇਡਣ ਦੇ ਲਈ ਬੁਲਾਇਆ ਗਿਆ ਸੀ। ਸਭ ਤੋਂ ਅਹਿਮ ਗੱਲ ਹੈ ਕਿ ਇਸ ਦੌਰਾਨ ਬੀਬੀਆਂ ਵੀ ਵੱਡੀ ਗਿਣਤੀ ਦੇ ਵਿੱਚ ਇਹਨਾਂ ਖੇਡਾਂ ਨੂੰ ਦੇਖਣ ਦੇ ਲਈ ਪਹੁੰਚੀਆਂ ਸਨ ਜੋ ਨਿਊਜ਼ੀਲੈਂਡ ਦੇ ਇਤਿਹਾਸ ਵਿੱਚ ਇੱਕ ਨਵਾਂ ਅਤੇ ਨਵੇਕਲਾ ਰਿਕਾਰਡ ਹੈ। ਇਹ ਉਪਰਾਲਾ ਮਨਜਿੰਦਰ ਸਿੰਘ ਬਾਸੀ, ਗੋਪਾ ਬੈਂਸ ਮਾਣਕਢੇਰੀ, ਬੱਬਲੂ ਕੁਰੂਕਸ਼ੇਤਰ, ਗੋਪੀ ਹਕੀਮਪੁਰ, ਦਰਸ਼ਨ ਸਿੰਘ ਨਿੱਝਰ, ਦਿਲਾਵਰ ਹਰੀਪੁਰ, ਛਿੰਦਾ ਭੋਜਪੁਰ, ਵਿੱਕੀ ਕੂਨਰ, ਸਿਮਰਤ ਬਾਸੀ, ਸੋਨੀ ਬੋਲੀਨਾ, ਕਾਂਤਾ ਧਾਲੀਵਾਲ ਆਦਿ ਦੇ ਵੱਲੋਂ ਕੀਤਾ ਗਿਆ ਹੈ। ਇਸ ਦੌਰਾਨ ਸੁਪਰੀਮ ਸਿੱਖ ਸੁਸਾਇਟੀ ਨਿਊਜ਼ੀਲੈਂਡ ਦੇ ਵੱਲੋਂ ਦਲਜੀਤ ਸਿੰਘ ਵਿਰਕ ਅਤੇ ਉਹਨਾਂ ਦੇ ਨਾਲ ਕਈ ਹੋਰ ਮੈਂਬਰ ਵੀ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ ਸਨ। ਜ਼ਿਕਰਯੋਗ ਹੈ ਕਿ ਉਹਨਾਂ ਦੇ ਵੱਲੋਂ ਵੀ ਸਮੇਂ ਸਮੇਂ ਤੇ ਅਜਿਹੇ ਉਪਰਾਲਿਆਂ ਦੇ ਵਿੱਚ ਆਪਣਾ ਯੋਗਦਾਨ ਪਾਇਆ ਜਾਂਦਾ ਹੈ।