ਨਿਊਜ਼ੀਲੈਂਡ ਸਰਕਾਰ ਨੇ ਮਹਿੰਗੇ ਫਿਊਲ ਦੇ ਬੋਝ ਹੇਠ ਆਏ ਪਰਿਵਾਰਾਂ ਲਈ ਰਾਹਤ ਦੇ ਤੌਰ ‘ਤੇ ਨਵਾਂ ਪੈਕੇਜ ਐਲਾਨਿਆ ਹੈ। ਇਸ ਤਹਿਤ ਕਰੀਬ 1.5 ਲੱਖ ਪਰਿਵਾਰਾਂ ਨੂੰ ਹਫ਼ਤੇ ਦੇ $50 (ਮਹੀਨੇ ਦੇ ਲਗਭਗ $200) ਦਿੱਤੇ ਜਾਣਗੇ। ਇਹ ਸਹਾਇਤਾ Working for Families ਸਕੀਮ ਦੇ In-Work Tax Credit ਵਿੱਚ ਵਾਧੇ ਰਾਹੀਂ ਦਿੱਤੀ ਜਾਵੇਗੀ ਅਤੇ ਅਪ੍ਰੈਲ ਦੇ ਪਹਿਲੇ ਹਫ਼ਤੇ ਤੋਂ ਲਾਗੂ ਹੋਵੇਗੀ।
ਇਸ ਯੋਜਨਾ ਦਾ ਲਾਭ ਸਿਰਫ ਉਹਨਾਂ ਘੱਟ ਅਤੇ ਦਰਮਿਆਨੇ ਆਮਦਨ ਵਾਲੇ ਕੰਮਕਾਜੀ ਪਰਿਵਾਰਾਂ ਨੂੰ ਮਿਲੇਗਾ ਜਿਨ੍ਹਾਂ ਦੇ ਬੱਚੇ ਹਨ। ਜਦਕਿ ਬੇਨੀਫਿਟ ਲੈ ਰਹੇ ਲੋਕ, ਪੈਨਸ਼ਨਰ ਅਤੇ ਬਿਨਾਂ ਬੱਚਿਆਂ ਵਾਲੇ ਵਿਅਕਤੀ ਇਸ ਸਕੀਮ ਤੋਂ ਬਾਹਰ ਰਹਿਣਗੇ।
ਵਿੱਤ ਮੰਤਰੀ ਨਿਕੋਲਾ ਵਿਲਿਸ ਨੇ ਕਿਹਾ ਕਿ ਇਹ ਕਦਮ ਉਹਨਾਂ ਪਰਿਵਾਰਾਂ ਲਈ ਹੈ ਜੋ ਨੌਕਰੀ ਕਰਨ ਦੇ ਬਾਵਜੂਦ ਮਹਿੰਗਾਈ ਨਾਲ ਜੂਝ ਰਹੇ ਹਨ। ਪ੍ਰਧਾਨ ਮੰਤਰੀ ਕਰਿਸਟੋਫਰ ਲਕਸਨ ਮੁਤਾਬਕ, ਇਹ ਮਦਦ ਖਾਸ ਤੌਰ ‘ਤੇ ਮੱਧ ਵਰਗ ਨੂੰ ਧਿਆਨ ਵਿੱਚ ਰੱਖ ਕੇ ਦਿੱਤੀ ਜਾ ਰਹੀ ਹੈ।
ਸਰਕਾਰ ਨੇ ਕਿਹਾ ਕਿ ਸੀਮਿਤ ਬਜਟ ਕਾਰਨ ਇਹ ਨਿਸ਼ਾਨਾਬੱਧ ਮਦਦ ਹੀ ਦਿੱਤੀ ਜਾ ਸਕਦੀ ਹੈ, ਨਾ ਕਿ ਸਭ ਨੂੰ ਆਮ ਰਾਹਤ।