ਸਰੀਰਕ ਤਾਕਤ ਤੋਂ ਲੈ ਕੇ ਚੁਸਤੀ ਤੱਕ ਸੰਤੁਲਨ ਅਤੇ ਤਾਲਮੇਲ ਤੱਕ ਹਰ ਚੀਜ਼ ਦੀ ਪਰਖ ਕਰਨ ਵਾਲੀ ਖੇਡ ਜਿਮਨਾਸਟਿਕਸ ‘ਚ 6 ਸਾਲ ਦੀ ਸਾਵੀ ਕੌਰ ਨੇ ਬੱਲੇ-ਬੱਲੇ ਕਰਵਾਈ ਹੈ। ਸਾਵੀ ਕੌਰ ਨੇ ਕਾਉਂਟੀਜ਼ ਜਿਮਨਾਸਟਿਕਸ ਦਾ ਡਿਲੀਜੈਂਸ ਐਵਾਰਡ ਆਪਣੇ ਨਾਮ ਕੀਤਾ ਹੈ। ਸਥਾਨਕ ਰਿਪੋਰਟ ਮੁਤਾਬਿਕ ਸਾਵੀ ਨੇ ਸਿਰਫ਼ 1.5 ਸਾਲ ਦੀ ਉਮਰ ਵਿੱਚ ਜਿਮਨਾਸਟਿਕਸ ਸ਼ੁਰੂ ਕੀਤੀ ਸੀ। ਕਲੱਬ ਨੇ ਆਪਣੇ ਬਿਆਨ ‘ਚ ਕਿਹਾ ਕਿ ਇਹ ਐਵਾਰਡ ਮਿਹਨਤ, ਧਿਆਨ ਅਤੇ ਵਚਨਬੱਧਤਾ ਲਈ ਦਿੱਤਾ ਜਾਂਦਾ ਹੈ। ਜ਼ਿਕਰਯੋਗ ਹੈ ਕਿ ਖੇਡਾਂ ਬੱਚਿਆਂ ਦੇ ਮਾਨਸਿਕ ਅਤੇ ਸਰੀਰਕ ਵਿਕਾਸ ‘ਚ ਬਹੁਤ ਅਹਿਮ ਯੋਗਦਾਨ ਪਾਉਂਦੀਆਂ ਹਨ ਅਤੇ ਜਦੋਂ ਅਜਿਹੇ ਸਨਮਾਨ ਮਿਲਦੇ ਹਨ ਤਾਂ ਉਨ੍ਹਾਂ ਦਾ ਹੌਂਸਲਾ ਹੋਰ ਵੀ ਵੱਧ ਜਾਂਦਾ ਹੈ।
