ਏਅਰ ਨਿਊਜ਼ੀਲੈਂਡ ਕੀਵੀਆਂ ਨੂੰ ਇੱਕ ਵੱਡਾ ਤੋਹਫ਼ਾ ਦੇਣ ਜਾ ਰਹੀ ਹੈ। ਦਰਅਸਲ ਏਅਰ ਨਿਊਜ਼ੀਲੈਂਡ ਹੈਮਿਲਟਨ ਅਤੇ ਕ੍ਰਾਈਸਟਚਰਚ ਵਿਚਕਾਰ ਜੈੱਟ ਸੇਵਾਵਾਂ ਦੁਬਾਰਾ ਸ਼ੁਰੂ ਕਰਕੇ “ਖੇਤਰੀ ਸੰਪਰਕ” ਨੂੰ ਵਧਾਏਗਾ। 18 ਸਤੰਬਰ ਤੋਂ ਚੋਣਵੀਆਂ ਸੇਵਾਵਾਂ 171-ਸੀਟਾਂ ਵਾਲੇ ਏਅਰਬੱਸ A320 ਰਾਹੀਂ ਸ਼ੁਰੂ ਕੀਤੀਆਂ ਜਾਣਗੀਆਂ, ਜਿਸ ਰਾਹੀਂ 25 ਸਾਲਾਂ ਬਾਅਦ ਹੈਮਿਲਟਨ ਵਿੱਚ ਪਹਿਲੀ ਘਰੇਲੂ ਜੈੱਟ ਸੇਵਾ ਫਿਰ ਸ਼ੁਰੂ ਹੋਵੇਗੀ। ਉਡਾਣਾਂ ਏਅਰਲਾਈਨ ਦੀਆਂ ਮੌਜੂਦਾ ATR 72 ਟਰਬੋਪ੍ਰੌਪ ਸੇਵਾਵਾਂ ਦੇ ਨਾਲ-ਨਾਲ ਚੱਲਣਗੀਆਂ, ਜਿਸ ਨਾਲ ਰੂਟ ‘ਤੇ ਪ੍ਰਤੀ ਸਾਲ ਲਗਭਗ 25,000 ਸੀਟਾਂ ਜੋੜੀਆਂ ਜਾਣਗੀਆਂ।
ਏਅਰ ਨਿਊਜ਼ੀਲੈਂਡ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਗ੍ਰੇਗ ਫੋਰਨ ਨੇ ਕਿਹਾ ਕਿ ਜੈੱਟ ਦੀ ਸ਼ੁਰੂਆਤ ਉੱਤਰੀ ਅਤੇ ਦੱਖਣੀ ਟਾਪੂਆਂ ਵਿਚਕਾਰ ਸੰਪਰਕ ਦੀ ਵਧਦੀ ਮੰਗ ਨੂੰ ਦਰਸਾਉਂਦੀ ਹੈ। ਫੋਰਨ ਨੇ ਕਿਹਾ ਕਿ, “ਭਾਵੇਂ ਗਾਹਕ ਕਾਰੋਬਾਰ, ਸਮਾਗਮਾਂ ਲਈ ਯਾਤਰਾ ਕਰ ਰਹੇ ਹੋਣ, ਜਾਂ ਸ਼ਾਨਦਾਰ ਦੱਖਣੀ ਟਾਪੂ ਦੀ ਸੈਰ ਕਰਨ ਲਈ, ਉਨ੍ਹਾਂ ਨੂੰ ਇਸ ਜੈੱਟ ਸੇਵਾ ਦੁਆਰਾ ਪ੍ਰਦਾਨ ਕੀਤੀ ਜਾਣ ਵਾਲੀ ਸਹੂਲਤ ਤੋਂ ਲਾਭ ਹੋਵੇਗਾ।” ਵਾਈਕਾਟੋ ਖੇਤਰੀ ਹਵਾਈ ਅੱਡੇ ਦੇ ਮੁੱਖ ਕਾਰਜਕਾਰੀ ਮਾਰਕ ਮੋਰਗਨ ਨੇ ਕਿਹਾ ਕਿ ਇਹ ਖ਼ਬਰ “ਵਾਈਕਾਟੋ ਲਈ ਸ਼ਾਨਦਾਰ ਖ਼ਬਰ ਹੈ।