ਬੁੱਧਵਾਰ ਦੁਪਹਿਰ ਵੇਲੇ ਹਜ਼ਾਰਾਂ ANZ ਗਾਹਕਾਂ ਨੇ ਰਿਪੋਰਟ ਕੀਤੀ ਕਿ ਉਹ ਬੈਂਕ ਦੀ ਐਪ ਅਤੇ ਵੈੱਬਸਾਈਟ ਤੱਕ ਪਹੁੰਚ ਕਰਨ ਵਿੱਚ ਅਸਮਰੱਥ ਹਨ। ਆਊਟੇਜ ਟਰੈਕਿੰਗ ਸਾਈਟ ਡਾਊਨਡਿਟੈਕਟਰ ਦੇ ਅਨੁਸਾਰ, ਸੇਵਾ ਵਿੱਚ ਵਿਘਨ ਦੀਆਂ ਰਿਪੋਰਟਾਂ ਦੁਪਹਿਰ 2.30 ਵਜੇ ਦੇ ਆਸਪਾਸ ਸ਼ੁਰੂ ਹੋਈਆਂ ਸਨ। ਲੌਗਇਨ ਕਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਉਪਭੋਗਤਾਵਾਂ ਨੂੰ ਇੱਕ error ਸੁਨੇਹਾ ਮਿਲਿਆ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਐਪ “ਅਸਥਾਈ ਤੌਰ ‘ਤੇ ਉਪਲਬਧ ਨਹੀਂ ਹੈ”। ਜਿਸ ਵਿੱਚ ਲਿਖਿਆ ਹੋਇਆ ਸੀ ਕਿ, “ਕਿਰਪਾ ਕਰਕੇ ਉਡੀਕ ਕਰੋ, ਜਾਂ ਬਾਅਦ ਵਿੱਚ ਦੋਬਾਰਾ ਕੋਸ਼ਿਸ ਕਰੋ, ਜਦੋਂ ਤੱਕ ਅਸੀਂ ਤੁਹਾਡੇ ਲਈ ਇਸਨੂੰ ਠੀਕ ਨਹੀਂ ਕਰ ਰਹੇ ਹਾਂ।”
ANZ ਨੇ ਕਿਹਾ ਕਿ ਕੁਝ ਗਾਹਕ ਵਰਤਮਾਨ ਵਿੱਚ goMoney ਅਤੇ ਇੰਟਰਨੈੱਟ ਬੈਂਕਿੰਗ ਵਿੱਚ ਲੌਗਇਨ ਕਰਨ ਵਿੱਚ ਰੁਕ-ਰੁਕ ਕੇ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹਨ। ਇੱਕ ਬੁਲਾਰੇ ਨੇ ਕਿਹਾ ਕਿ,”ਅਸੀਂ ਅਸੁਵਿਧਾ ਲਈ ਮੁਆਫੀ ਚਾਹੁੰਦੇ ਹਾਂ; ਟੀਮ ਇਸਨੂੰ ਜਲਦੀ ਤੋਂ ਜਲਦੀ ਹੱਲ ਕਰਨ ਲਈ ਕੰਮ ਕਰ ਰਹੀ ਹੈ।” “ਜਿਨ੍ਹਾਂ ਨੂੰ ਤੁਰੰਤ ਭੁਗਤਾਨ ਕਰਨ ਦੀ ਲੋੜ ਹੈ ਉਹ ਸਾਡੇ ਸੰਪਰਕ ਕੇਂਦਰ ਨੂੰ 0800 296 269 ‘ਤੇ ਕਾਲ ਕਰ ਸਕਦੇ ਹਨ।” ਬੁਲਾਰੇ ਨੇ ਅਸੁਵਿਧਾ ਲਈ ਮੁਆਫੀ ਮੰਗਦੇ ਹੋਏ ਅੱਗੇ ਕਿਹਾ ਕਿ ਟੀਮ ਨੂੰ ਵਰਤਮਾਨ ਵਿੱਚ “ਵੱਧ ਗਿਣਤੀ ਵਿੱਚ ਕਾਲਾਂ” ਮਿਲ ਰਹੀਆਂ ਸਨ। ਹਾਲਾਂਕਿ ATM, EFTPOS, ਅਤੇ PayWave ਸਾਰੇ ਖਾਤੇ ਦੇ ਬਕਾਏ ਨਾਲ ਕੰਮ ਕਰ ਰਹੇ ਸਨ ਅਤੇ ਫੰਡ ਪ੍ਰਭਾਵਿਤ ਨਹੀਂ ਹੋਏ।