ਕਬੱਡੀ ਜਗਤ ਨਾਲ ਜੁੜੀ ਇੱਕ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਬੀਤੀ ਸ਼ਾਮ ਕਬੱਡੀ ਖਿਡਾਰੀ ਬਿੱਟੂ ਬਲਿਆਲ ਦੀ ਮੌਤ ਹੋ ਗਈ ਹੈ। ਬਿੱਟੂ ਕੱਲ੍ਹ ਇੱਕ ਕਬੱਡੀ ਕੱਪ ‘ਤੇ ਖੇਡ ਰਿਹਾ ਸੀ ਜਦੋਂ ਇਹ ਖਿਡਾਰੀ ਰੇਡ ਪਾ ਰਿਹਾ ਸੀ ਤਾਂ ਸਟੋਪਰ ਦੇ ਨਾਲ ਸੰਘਰਸ਼ ਤੋਂ ਬਾਅਦ ਬਿੱਟੂ ਨੂੰ ਮੈਦਾਨ ‘ਚ ਚੱਕਰ ਆ ਗਿਆ ਜਿਸ ਤੋਂ ਬਾਅਦ ਉਸਨੂੰ ਤੁਰੰਤ ਡਾਕਟਰ ਦੇ ਕੋਲ ਲਿਜਾਣਾ ਪਿਆ ਪਰ ਬਾਅਦ ‘ਚ ਬਿੱਟੂ ਬਲਿਆਲ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਈ। ਕੁਝ ਕਬੱਡੀ ਨਾਲ ਸਬੰਧਿਤ ਪੇਜਾਂ ਦੇ ਮੁਤਾਬਿਕ ਹਾਰਟ ਅਟੈਕ ਆਉਣ ਕਾਰਨ ਬਿੱਟੂ ਇਸ ਦੁਨੀਆਂ ਨੂੰ ਅਲਵਿਦਾ ਕਿਹ ਗਿਆ ਹੈ। ਇਹ ਵੀ ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਬਿੱਟੂ ਪਹਿਲਾਂ ਕਾਫ਼ੀ ਸਮਾਂ ਬਿਮਾਰ ਵੀ ਰਿਹਾ ਸੀ ਅਤੇ ਉਸ ਦੇ 3 ਸਟੰਟ ਵੀ ਪਏ ਸੀ। ਬਿੱਟੂ ਦੇ ਮਾਤਾ ਪਿਤਾ ਅਤੇ ਭਰਾ ਦੀ ਵੀ ਮੌਤ ਹੋ ਚੁੱਕੀ ਹੈ।
