ਨਿਊਜ਼ੀਲੈਂਡ ਦੀਆਂ ਸੜਕਾਂ ‘ਤੇ ਵਾਪਰਦੇ ਹਾਦਸਿਆਂ ਨੂੰ ਘਟਾਉਣ ਲਈ ਸਰਕਾਰ ਨੇ ਸਖਤੀ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਸਰਕਾਰ ਨੇ ਪੁਲਿਸ ਵੱਲੋਂ ਕੀਤੇ ਜਾਣ ਵਾਲੇ ਨਵੇਂ ਰੋਡਸਾਈਡ ਡਰੱਗ ਟੈਸਟਿੰਗ ਪ੍ਰੋਗਰਾਮ ਤਹਿਤ ਸਕ੍ਰੀਨ ਕੀਤੇ ਜਾਣ ਵਾਲੇ ਚਾਰ ਮੁੱਖ ਨਸ਼ਿਆਂ ਦੀ ਪੁਸ਼ਟੀ ਕੀਤੀ ਹੈ। ਪੁਲਿਸ ਮੰਤਰੀ ਮਾਰਕ ਮਿਟਚਲ ਅਨੁਸਾਰ ਨਵੀਆਂ oral fluid testing devices ਨਾਲ ਪੁਲਿਸ ਕਿਸੇ ਵੀ ਵਾਹਨ ਨੂੰ ਰੋਕ ਕੇ ਡਰਾਈਵਰ ਦੀ ਜਾਂਚ ਕਰ ਸਕਦੀ ਹੈ। ਇਹ ਡਿਵਾਈਸ ਅੱਗੇ ਲਿਖੇ ਚਾਰ ਨਸ਼ਿਆਂ ਦੀ ਸਕ੍ਰੀਨਿੰਗ ਕਰਨਗੇ ਜਿਨ੍ਹਾਂ ‘ਚ Methamphetamine (Meth), THC (Cannabis), Cocaine ਤੇ MDMA (Ecstasy) ਹਨ।
ਟਰਾਂਸਪੋਰਟ ਮੰਤਰੀ ਕ੍ਰਿਸ ਬਿਸ਼ਪ ਆਪਣੇ ਬਿਆਨ ‘ਚ ਕਿਹਾ ਕਿ ਨਸ਼ੇ ਦੇ ਅਸਰ ਹੇਠ ਡਰਾਈਵ ਕਰਨ ਵਾਲੇ ਲੋਕ “ਨਿਊਜ਼ੀਲੈਂਡ ਦੀਆਂ ਸੜਕਾਂ ਲਈ ਖ਼ਤਰਾ” ਹਨ। “ਲਗਭਗ 30 ਫੀਸਦੀ ਸੜਕ ਹਾਦਸਿਆਂ ਵਿੱਚ ਡਰੱਗ ਪ੍ਰਭਾਵਿਤ ਡਰਾਈਵਰ ਸ਼ਾਮਿਲ ਹੁੰਦੇ ਹਨ। ਜੇ ਤੁਸੀਂ ਨਸ਼ਾ ਕਰਕੇ ਗੱਡੀ ਚਲਾਉਂਦੇ ਹੋ, ਤਾਂ ਤੁਸੀਂ ਬੇਕਸੂਰ ਲੋਕਾਂ ਦੀ ਜਾਨ ਨੂੰ ਜੋਖ਼ਮ ਵਿੱਚ ਪਾ ਰਹੇ ਹੋ ਅਤੇ ਅਸੀਂ ਇਸਨੂੰ ਬਰਦਾਸ਼ਤ ਨਹੀਂ ਕਰਾਂਗੇ।”
ਦੱਸ ਦੇਈਏ ਇਸ ਟੈਸਟਿੰਗ ਸਿਸਟਮ ‘ਚ ਡਰਾਈਵਰ ਨੂੰ ਰੋਕ ਕੇ ਉਸਦੀ ਜੀਭ ਦਾ ਇਕ ਛੋਟਾ ਸਵੈਬ ਲਿਆ ਜਾਵੇਗਾ। ਪਹਿਲਾ ਨਤੀਜਾ ਕੁਝ ਮਿੰਟਾਂ ਵਿੱਚ ਆ ਜਾਵੇਗਾ। ਜਿਨ੍ਹਾਂ ਦਾ ਟੈਸਟ ਨੈਗੇਟਿਵ ਹੋਵੇਗਾ, ਉਹਨਾਂ ਨੂੰ ਪੰਜ ਮਿੰਟਾਂ ਅੰਦਰ ਛੱਡ ਦਿੱਤਾ ਜਾਵੇਗਾ। ਜੇ ਟੈਸਟ ਪੌਜੇਟਿਵ ਹੋਇਆ, ਤਾਂ ਪੁਲਿਸ ਇੱਕ ਸਲਾਈਵਾ ਸੈਂਪਲ ਲੈ ਕੇ ਲੈਬੋਰੇਟਰੀ ਵਿਸ਼ਲੇਸ਼ਣ ਲਈ ਭੇਜੇਗੀ। ਜੇ ਡਰਾਈਵਰ ਦਾ ਟੈਸਟ 2 ਵਾਰ ਪੌਜੇਟਿਵ ਆਇਆ, ਤਾਂ ਉਸਨੂੰ 12 ਘੰਟਿਆਂ ਲਈ ਗੱਡੀ ਚਲਾਉਣ ਤੋਂ ਰੋਕਿਆ ਜਾਵੇਗਾ। ਜੇ ਲੈਬ ਨਤੀਜੇ ਵੀ ਪੌਜੇਟਿਵ ਆਉਂਦੇ ਹਨ, ਤਾਂ ਉਸਨੂੰ ਇੰਫਰਿੰਜਮੈਂਟ ਨੋਟਿਸ (ਜੁਰਮਾਨਾ) ਜਾਰੀ ਕੀਤਾ ਜਾਵੇਗਾ। ਜਿਹੜੇ ਡਰਾਈਵਰ ਟੈਸਟ ਕਰਨ ਤੋਂ ਇਨਕਾਰ ਕਰਦੇ ਹਨ, ਉਹਨਾਂ ਨੂੰ ਵੀ ਜੁਰਮਾਨਾ ਕੀਤਾ ਜਾਵੇਗਾ। ਦੱਸ ਦੇਈਏ ਇਹ ਸਖ਼ਤੀ ਦਸੰਬਰ 2025 ਤੋਂ ਵੈਲਿੰਗਟਨ ਡਿਸਟ੍ਰਿਕਟ ਵਿੱਚ ਸ਼ੁਰੂ ਹੋਵੇਗੀ। ਫਿਰ ਅਪ੍ਰੈਲ 2026 ਤੋਂ ਹੋਰ ਖੇਤਰਾਂ ਵਿੱਚ।