ਬੀਤੇ ਦਿਨੀ ਹੈਮਿਲਟਨ ਵਿਖੇ Waikato Kabaddi Cup 2025 ਦੌਰਾਨ ਵੱਖੋ-ਵੱਖ ਖੇਡਾਂ ਦੇ ਸ਼ਾਨਦਾਰ ਮੁਕਾਬਲੇ ਦੇਖਣ ਨੂੰ ਮਿਲੇ ਹਨ। ਇਸ ਦੌਰਾਨ ਮਾਂ ਖੇਡ ਕਬੱਡੀ ਤੇ ਵਾਲੀਬਾਲ ਦੇ ਮੈਚਾਂ ਦਾ ਦਰਸ਼ਕਾਂ ਨੇ ਖੂਬ ਅਨੰਦ ਮਾਣਿਆ। ਕਬੱਡੀ ਦੇ ਵਿਚ Dashmesh Sport Club Te Puke ਤੇ Lion Brothers ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ ਅਤੇ Kalgidhar ਅਤੇ Azaad Kabaddi Club ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਉੱਥੇ ਹੀ ਜੇਕਰ ਵਾਲੀਬਾਲ ਦੀ ਗੱਲ ਕਰੀਏ ਤਾਂ ਟਾਈਗਰ ਸਪੋਰਟਸ ਕਲੱਬ ਟੌਰੰਗਾ ਦੀ ਟੀਮ ਨੇ ਇੱਕ ਵਾਰ ਫਿਰ ਬੱਲੇ-ਬੱਲੇ ਕਰਵਾਉਂਦਿਆਂ ਵਾਲੀਬਾਲ ਕੱਪ ’ਤੇ ਕਬਜ਼ਾ ਕੀਤਾ। ਇਹ ਵੀ ਜ਼ਿਕਰਯੋਗ ਹੈ ਕਿ ਇਹ ਇਸ ਸੀਜ਼ਨ ਵਿੱਚ ਟੌਰੰਗਾ ਟਾਈਗਰ ਟੀਮ ਦੀ ਇਹ ਲਗਾਤਾਰ 5ਵੀਂ ਸ਼ਾਨਦਾਰ ਜਿੱਤ ਹੈ। ਉੱਥੇ ਹੀ ਕਲਗੀਧਰ ਆਕਲੈਂਡ ਦੀ ਟੀਮ ਨੇ ਵਾਲੀਬਾਲ ‘ਚ ਦੂਜਾ ਸਥਾਨ ਹਾਸਿਲ ਕੀਤਾ।
