ਪਿਛਲੇ ਕਈ ਦਿਨਾਂ ਤੋਂ ਨਿਊਜ਼ੀਲੈਂਡ ਦੇ ਵੱਖੋ-ਵੱਖ ਸ਼ਹਿਰਾਂ ‘ਚ ਮਾਂ ਖੇਡ ਕਬੱਡੀ ਦੇ ਖੇਡ ਮੇਲੇ ਕਰਵਾਏ ਜਾ ਰਹੇ ਹਨ। ਇਸ ਦੌਰਾਨ ਦਰਸ਼ਕ ਵੀ ਵੱਡੀ ਗਿਣਤੀ ‘ਚ ਇੰਨਾਂ ਮੇਲਿਆਂ ਦਾ ਅਨੰਦ ਮਾਣ ਰਹੇ ਨੇ। ਉੱਥੇ ਹੀ ਬੀਤੇ ਕੱਲ੍ਹ ਐਤਵਾਰ 30 ਨਵੰਬਰ ਨੂੰ ਨਿਊਜ਼ੀਲੈਂਡ ਦੀ ਧਰਤੀ ‘ਤੇ Tauranga Kabaddi Cup 2025 ‘ਤੇ ਕਬੱਡੀ ਦੇ ਪ੍ਰੇਮੀਆਂ ਦਾ ਜੋ ਇਹ ਇਕੱਠ ਵੇਖਣ ਨੂੰ ਮਿਲਿਆ, ਉਹ ਸਾਬਤ ਕਰਦਾ ਹੈ ਕਿ ਬੇਅ ਆਫ਼ ਪਲੇਂਟੀ ਖੇਤਰ ਵਿੱਚ ਇਸ ਖੇਡ ਦੀ ਜੜ੍ਹ ਕਿੰਨੀ ਮਜ਼ਬੂਤ ਹੋ ਚੁੱਕੀ ਹੈ।
ਦੱਸ ਦੇਈਏ ਕਬੱਡੀ ਵਿੱਚ ਬੀਤੇ ਦਿਨ ਚੜ੍ਹਦੀਕਲਾ ਪਾਪਾਮੋਆ ਅਤੇ ਜੰਗ ਸਪੋਰਟਸ ਕਲੱਬ ਵਾਈਕਾਟੋ ਦੀ ਸਾਂਝੇ ਤੌਰ ਤੇ ਬਣੀ ਟੀਮ ਨੇ ਖਿਤਾਬ ਆਪਣੇ ਨਾਮ ਕੀਤਾ ਜਦਕਿ ਵਾਲੀਬਾਲ ਵਿੱਚ Tiger Sports Club Tauranga ਨੇ ਲਗਾਤਾਰ ਸੱਤਵਾਂ ਕੱਪ ਜਿੱਤ ਨਵਾਂ ਰਿਕਾਰਡ ਬਣਾਇਆ ਹੈ। ਉੱਥੇ ਹੀ
Tauranga Sikh Society ਅਤੇ Tiger Sports Club Tauranga ਵੱਲੋਂ ਜਿੱਥੇ ਸਾਰੀਆਂ ਹੀ ਟੀਮਾਂ ਨੂੰ ਮੁਬਾਰਕਾਂ ਦਿੱਤੀਆਂ ਗਈਆਂ ਉੱਥੇ ਹੀ ਸਾਰੇ ਦਰਸ਼ਕਾਂ, ਖਿਡਾਰੀਆਂ ਅਤੇ ਸਹਿਯੋਗੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ। ਜਿਨ੍ਹਾਂ ਨੇ ਇਸ ਟੂਰਨਾਮੈਂਟ ਨੂੰ ਆਪਣੀ ਹਾਜ਼ਰੀ ਅਤੇ ਸਹਿਯੋਗ ਨਾਲ ਚਾਰ-ਚੰਨ ਲਗਾਏ। ਪ੍ਰਬੰਧਕਾਂ ਨੇ ਕਿਹਾ ਕਿ “ਤੁਹਾਡਾ ਪਿਆਰ, ਹੌਸਲਾ-ਅਫ਼ਜ਼ਾਈ ਅਤੇ ਸਕਾਰਾਤਮਕ ਸੋਚ ਸਾਡੇ ਲਈ ਸਭ ਤੋਂ ਵੱਡੀ ਜਿੱਤ ਹੈ। ਅਸੀਂ ਵਚਨਬੱਧ ਹਾਂ ਕਿ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵੱਡੇ, ਹੋਰ ਯਾਦਗਾਰ ਅਤੇ ਹੋਰ ਸ਼ਾਨਦਾਰ ਟੂਰਨਾਮੈਂਟ ਲੈ ਕੇ ਆਵਾਂਗੇ!”