ਬੁੱਧਵਾਰ ਨੂੰ ਉੱਤਰੀ ਟਾਪੂ ‘ਚ ਤੇਜ਼ ਗਰਜ਼ ਤੇ ਤੂਫ਼ਾਨ ਵਾਲੇ ਮੌਸਮ ਨੇ ਲੋਕਾਂ ਦੀਆਂ ਮੁਸ਼ਕਿਲਾਂ ਵਧਾ ਦਿੱਤੀਆਂ ਹਨ। ਮਾਨਵਾਤੂ ਵਿੱਚ ਭਾਰੀ ਮੀਂਹ, ਗੜੇ, ਤੇਜ਼ ਹਵਾਵਾਂ ਕਾਰਨ ਲੋਕ ਪ੍ਰੇਸ਼ਾਨ ਹਨ। ਮੈਟ ਸਰਵਿਸ ਨੇ ਨੌਰਥਲੈਂਡ, ਆਕਲੈਂਡ, ਗ੍ਰੇਟ ਬੈਰੀਅਰ ਆਈਲੈਂਡ ਲਈ ਸ਼ਾਮ 5 ਵਜੇ ਤੱਕ ਅਤੇ ਕੋਰੋਮੰਡਲ ਪ੍ਰਾਇਦੀਪ, ਵਾਈਕਾਟੋ, ਬੇਅ ਆਫ਼ ਪਲੈਂਟੀ, ਰੋਟੋਰੂਆ ਅਤੇ ਟੌਪੋ ਲਈ ਸ਼ਾਮ 6 ਵਜੇ ਤੱਕ ਇੱਕ ਤੇਜ਼ ਗਰਜ਼-ਤੂਫ਼ਾਨ ਦੀ ਨਿਗਰਾਨੀ ਰੱਖੀ ਗਈ ਸੀ।
ਇਸੇ ਵਿਚਕਾਰ ਮੈਟ ਸਰਵਿਸ ਤੋਂ ਪ੍ਰਾਪਤ ਵੀਡੀਓ ਵਿੱਚ ਦੁਪਹਿਰ 1 ਵਜੇ ਦੇ ਕਰੀਬ ਆਕਲੈਂਡ ਦੇ 328 ਮੀਟਰ ਉੱਚੇ ਸਕਾਈ ਟਾਵਰ ‘ਤੇ ਬਿਜਲੀ ਡਿੱਗਣ ਦਾ ਦ੍ਰਿਸ਼ ਦਿਖਾਇਆ ਗਿਆ ਹੈ। ਬੁੱਧਵਾਰ ਦੁਪਹਿਰ ਨੂੰ ਮਾਨਵਾਤੂ ਖੇਤਰ ਵਿੱਚ ਆਏ ਤੂਫ਼ਾਨ ਨੇ ਦਰੱਖਤਾਂ ਨੂੰ ਪੱਟਣ ਸਣੇ ਛੋਟੇ ਢਾਂਚਿਆਂ ਨੂੰ ਕਾਫ਼ੀ ਨੁਕਸਾਨ ਪਹੁੰਚਾਇਆ ਹੈ। ਇੰਨਾਂ ਹੀ ਨਹੀਂ ਇੱਕ caravan ਦੇ ਪਲਟਣ ਕਰਨ ਇੱਕ ਵਿਅਕਤੀ ਜ਼ਖਮੀ ਹੋ ਗਿਆ।