ਬੈਲਜੀਅਮ ਨੇ ਸ਼ੁੱਕਰਵਾਰ ਨੂੰ ਨਿਊਜ਼ੀਲੈਂਡ ਖਿਲਾਫ ਗਰੁੱਪ ਜੀ ਦਾ ਮੈਚ 5-1 ਨਾਲ ਜਿੱਤ ਕੇ ਫੀਫਾ ਵਿਸ਼ਵ ਕੱਪ 2026 ਦੇ ਨਾਕਆਊਟ ਦੌਰ ਲਈ ਆਪਣੀ ਟਿਕਟ ਬੁੱਕ ਕਰ ਲਈ।ਇਸੇ ਗਰੁੱਪ ਵਿੱਚ ਈਰਾਨ ਨੇ ਮਿਸਰ ਨਾਲ 1-1 ਨਾਲ ਡਰਾਅ ਖੇਡ ਕੇ ਕਿਸੇ ਤਰ੍ਹਾਂ ਆਪਣੀਆਂ ਉਮੀਦਾਂ ਨੂੰ ਬਰਕਰਾਰ ਰੱਖਿਆ ਹੈ। ਜਦਕਿ ਨਿਊਜ਼ੀਲੈਂਡ ਫੁੱਟਬਾਲ ਟੀਮ (ਆਲ ਵ੍ਹਾਈਟਸ) 2026 ਫੀਫਾ ਵਿਸ਼ਵ ਕੱਪ ਵਿੱਚ ਗਰੁੱਪ ਪੜਾਅ ਤੋਂ ਅੱਗੇ ਵਧਣ ਵਿੱਚ ਅਸਫਲ ਰਹੀ। ਨਿਊਜ਼ੀਲੈਂਡ ਟੀਮ ਆਪਣੇ ਆਖਰੀ ਗਰੁੱਪ ਜੀ ਮੈਚਾਂ ਵਿੱਚ ਬੈਲਜੀਅਮ ਤੋਂ 1-5 ਅਤੇ ਮਿਸਰ ਤੋਂ 1-3 ਨਾਲ ਹਾਰ ਗਈ। ਤਿੰਨ ਮੈਚਾਂ ਵਿੱਚ ਸਿਰਫ਼ ਇੱਕ ਅੰਕ ਦੇ ਨਾਲ, ਟੀਮ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਹੈ।
ਬੈਲਜੀਅਮ ਗੋਲ ਅੰਤਰ ‘ਤੇ ਆਪਣੇ ਗਰੁੱਪ ‘ਚ ਪਹਿਲੇ ਸਥਾਨ ‘ਤੇ ਰਿਹਾ। ਮਿਸਰ ਦੀ ਟੀਮ ਦੂਜੇ ਸਥਾਨ ‘ਤੇ ਰਹੀ। ਈਰਾਨ ਸਰਬੋਤਮ ਅੱਠ ਤੀਜੇ ਸਥਾਨ ਵਾਲੀਆਂ ਟੀਮਾਂ ਵਿੱਚੋਂ ਬਾਕੀ ਰਹਿ ਕੇ ਅਗਲੇ ਦੌਰ ਵਿੱਚ ਥਾਂ ਬਣਾਉਣ ਦੀ ਦੌੜ ਵਿੱਚ ਹੈ। ਹਾਲਾਂਕਿ ਇਸਦੇ ਲਈ ਉਸਨੂੰ ਦੂਜੀਆਂ ਟੀਮਾਂ ਦੇ ਮੈਚਾਂ ਦੇ ਨਤੀਜਿਆਂ ‘ਤੇ ਨਿਰਭਰ ਰਹਿਣਾ ਪਏਗਾ।