ਨਾਰਥ ਸ਼ੋਰ: ਨਾਰਥ ਸ਼ੋਰ ਸਿੱਖ ਸੋਸਾਇਟੀ ਵੱਲੋਂ ਵੱਧ ਰਹੀ ਸਿੱਖ ਸੰਗਤ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਸਥਾਈ ਗੁਰਦੁਆਰਾ ਸਾਹਿਬ ਅਤੇ ਕਮਿਊਨਿਟੀ ਹੱਬ ਬਣਾਉਣ ਦੀ ਯੋਜਨਾ ਤਹਿਤ ਫੰਡ ਇਕੱਠਾ ਕਰਨ ਦੀ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ।
ਇਸ ਪ੍ਰਾਜੈਕਟ ਲਈ ਕੁੱਲ $3.5 ਮਿਲੀਅਨ ਦੀ ਲੋੜ ਹੈ। ਸੋਸਾਇਟੀ ਕੋਲ ਕਰੀਬ $500,000 ਮੌਜੂਦ ਹਨ ਅਤੇ ਲਗਭਗ $1 ਮਿਲੀਅਨ ਦੀ ਬੈਂਕ ਫੰਡਿੰਗ ਦੀ ਉਮੀਦ ਹੈ। ਇਸ ਤੋਂ ਬਾਅਦ $2 ਮਿਲੀਅਨ ਦੀ ਰਕਮ ਸੰਗਤ ਦੇ ਸਹਿਯੋਗ ਨਾਲ ਇਕੱਠੀ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ।
ਸੋਸਾਇਟੀ ਵੱਲੋਂ ਇਸ ਵੇਲੇ ਲੀਜ਼ ਵਾਲੀ ਜਗ੍ਹਾ ’ਤੇ ਲੋੜਵੰਦ ਪਰਿਵਾਰਾਂ ਲਈ ਭੋਜਨ ਤੇ ਸਹਾਇਤਾ, ਬੱਚਿਆਂ ਲਈ ਮੁਫ਼ਤ ਸਿੱਖਿਆ, ਸੰਗੀਤ ਅਤੇ ਮਾਰਸ਼ਲ ਆਰਟਸ ਦੀ ਸਿਖਲਾਈ ਸਮੇਤ ਕਈ ਕਮਿਊਨਿਟੀ ਸੇਵਾਵਾਂ ਚਲਾਈਆਂ ਜਾ ਰਹੀਆਂ ਹਨ।
ਸੰਗਤ ਨੂੰ ਆਪਣੀ ਸਮਰੱਥਾ ਅਨੁਸਾਰ $10 ਤੋਂ $1,000 ਜਾਂ ਵੱਧ ਸੇਵਾ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਸੋਸਾਇਟੀ ਦਾ ਕਹਿਣਾ ਹੈ ਕਿ ਇਹ ਉਪਰਾਲਾ ਸਿਰਫ਼ ਇਮਾਰਤ ਖਰੀਦਣ ਤੱਕ ਸੀਮਤ ਨਹੀਂ, ਸਗੋਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਸਿੱਖਿਆ, ਗੁਰਮਤਿ ਅਤੇ ਸੇਵਾ ਦਾ ਸਥਾਈ ਕੇਂਦਰ ਸਥਾਪਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ।