ਸ਼ਨੀਵਾਰ ਦੁਪਹਿਰ ਅਚਾਨਕ ਬਿਜਲੀ ਬੰਦ ਹੋਣ ਕਾਰਨ ਹਵਾਈ ਆਵਾਜਾਈ ਨਿਯੰਤਰਣ ਪ੍ਰਭਾਵਿਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਕਾਰਨ ਦੇਸ਼ ਭਰ ਵਿੱਚ ਪੰਜ ਉਡਾਣਾਂ ਦੇਰੀ ਨਾਲ ਚੱਲੀਆਂ ਸਨ ਜਦਕਿ ਕਈ ਹੋਰਾਂ ਨੂੰ ਰੱਦ ਕਰ ਦਿੱਤਾ ਗਿਆ ਸੀ। ਸੀਈਓ ਜੇਮਜ਼ ਯੰਗ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ, “ਹਵਾਈ ਆਵਾਜਾਈ ਸੇਵਾ ਪ੍ਰਦਾਤਾ ਏਅਰਵੇਜ਼ ਨਿਊਜ਼ੀਲੈਂਡ ਨੇ “ਆਪਣੇ ਮੁੱਖ ਸਮੁੰਦਰੀ ਹਵਾਈ ਆਵਾਜਾਈ ਨਿਯੰਤਰਣ ਪ੍ਰਣਾਲੀ ਵਿੱਚ ਵਿਘਨ ਪਾਇਆ ਸੀ ਜਿਸ ਕਾਰਨ ਤਸਮਾਨ ਵਿੱਚ ਚੱਲ ਰਹੀਆਂ ਹਵਾਈ ਆਵਾਜਾਈ ਸੇਵਾਵਾਂ ‘ਚ ਅਸਥਾਈ ਤੌਰ ‘ਤੇ ਵਿਘਨ ਪਿਆ ਸੀ।” ਉਨ੍ਹਾਂ ਕਿਹਾ ਕਿ, “ਸ਼ਾਮ 4.30 ਵਜੇ, ਮੁੱਖ ਸਮੁੰਦਰੀ ਹਵਾਈ ਆਵਾਜਾਈ ਨਿਯੰਤਰਣ ਪ੍ਰਣਾਲੀ ਵਿੱਚ ਵਿਘਨ ਪਿਆ ਸੀ ਅਤੇ ਕਾਰਜਾਂ ਨੂੰ ਬੈਕ-ਅੱਪ ਸਿਸਟਮ ਵਿੱਚ ਬਦਲ ਦਿੱਤਾ ਗਿਆ ਸੀ। ਇਸ ਸਮੇਂ ਦੌਰਾਨ, ਤਸਮਾਨ ਸੈਕਟਰ ਲਈ ਉਡਾਣ ਯੋਜਨਾਵਾਂ ਨੂੰ ਸਿਸਟਮ ਪ੍ਰਕਿਰਿਆ ਕਰਨ ਵਿੱਚ ਅਸਮਰੱਥ ਸੀ, ਜਿਸ ਕਾਰਨ ਉਡਾਣਾਂ ‘ਚ ਦੇਰੀ ਹੋਈ।”
ਯੰਗ ਨੇ ਕਿਹਾ ਕਿ ਨਤੀਜੇ ਵਜੋਂ ਪੰਜ ਉਡਾਣਾਂ ਹਵਾ ਵਿੱਚ (ਅਸਮਾਨ ‘ਚ) ਹੀ ਰੁਕੀਆਂ ਰਹੀਆਂ ਸਨ। “ਜਿਨ੍ਹਾਂ ਵਿੱਚੋਂ ਤਿੰਨ ਨੂੰ ਲਗਭਗ 40 ਮਿੰਟਾਂ ਤੱਕ ਉਡਾਣ ਭਰਨ ਤੋਂ ਬਾਅਦ ਨਿਊਜ਼ੀਲੈਂਡ ਵਾਪਸ ਮੋੜ ਦਿੱਤਾ ਗਿਆ ਸੀ, ਬਾਕੀ ਦੋ ਉਡਾਣਾਂ ਰੁਕਣ ਤੋਂ ਬਾਅਦ ਆਪਣੀ ਮੰਜ਼ਿਲ ਵੱਲ ਵਧੀਆਂ ਸਨ”। ਇੰਨਾਂ ਹੀ ਨਹੀਂ “ਇਸ ਸਮੇਂ ਦੌਰਾਨ ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਦੋਵਾਂ ਵਿੱਚ ਜ਼ਮੀਨ ‘ਤੇ ਵੀ ਉਡਾਣਾਂ ਰੋਕੀਆਂ ਗਈਆਂ ਸਨ। ਹਾਲਾਂਕਿ “ਮੁੱਖ ਪ੍ਰਣਾਲੀ ਸ਼ਾਮ 5.05 ਵਜੇ ਬਹਾਲ ਕਰ ਦਿੱਤੀ ਗਈ ਸੀ ਅਤੇ ਸ਼ਾਮ 5.30 ਵਜੇ ਤੱਕ ਆਮ ਕੰਮਕਾਜ ਮੁੜ ਸ਼ੁਰੂ ਹੋ ਗਿਆ ਸੀ।”