ਦੱਖਣੀ ਟਾਪੂ ਦੇ ਜ਼ਿਆਦਾਤਰ ਹਿੱਸੇ ‘ਤੇ ਤੇਜ਼ ਹਨੇਰੀ ਹਵਾਵਾਂ ਚੱਲਣ ਕਾਰਨ ਕੈਂਟਰਬਰੀ ਖੇਤਰ red wind ਚਿਤਾਵਨੀ ਦੇ ਅਧੀਨ ਹੈ। ਰਾਕਾਈਆ ਨਦੀ ਦੇ ਦੱਖਣ ਵਿੱਚ, ਪਹਾੜੀਆਂ ਦੇ ਤਲਹਟੀ ਦੇ ਆਲੇ-ਦੁਆਲੇ ਅਤੇ ਪੱਛਮ ਵਿੱਚ ਅਤੇ ਸਟੇਟ ਹਾਈਵੇਅ 1 ਦੇ ਪੱਛਮ ਵਿੱਚ ਇੱਕ red wind ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਇਹ ਚਿਤਾਵਨੀ ਸ਼ਨੀਵਾਰ ਰਾਤ 10 ਵਜੇ ਤੋਂ ਐਤਵਾਰ ਦੁਪਹਿਰ 3 ਵਜੇ ਤੱਕ ਲਾਗੂ ਹੈ। ਮੈਟ ਸਰਵਿਸ ਨੇ ਕਿਹਾ ਕਿ ਖੁੱਲ੍ਹੀਆਂ ਥਾਵਾਂ ‘ਤੇ 150 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਝੱਖੜ ਆਉਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ ਕਿ ਹਵਾ ਕਾਰਨ ਉੱਡਣ ਵਾਲੀਆਂ ਚੀਜ਼ਾਂ ਅਤੇ ਡਿੱਗਦੇ ਦਰੱਖਤਾਂ ਤੋਂ ਜਾਨ ਨੂੰ ਖ਼ਤਰਾ ਪੈਦਾ ਹੋ ਸਕਦਾ ਹੈ। ਜੇਕਰ ਹੁਣ ਤੱਕ ਦੀ ਗੱਲ ਕਰੀਏ ਤਾਂ ਕੋਈ ਵੱਡਾ ਨੁਕਸਾਨ ਤਾਂ ਨਹੀਂ ਹੋਇਆ ਪਰ ਦੱਖਣੀ ਕੈਂਟਰਬਰੀ ਵਿੱਚ ਸੈਂਕੜੇ ਘਰ ਅਜੇ ਵੀ ਬਿਜਲੀ ਤੋਂ ਬਿਨਾਂ ਗੁਜ਼ਾਰਾ ਕਰ ਰਹੇ ਹਨ।
ਤੇਜ਼ ਹਵਾਵਾਂ ਕਾਰਨ ਬਿਜਲੀ ਦੀਆਂ ਤਾਰਾਂ ਡਿੱਗਣ ਤੋਂ ਬਾਅਦ ਦੱਖਣੀ ਕੈਂਟਰਬਰੀ ਵਿੱਚ ਲਗਭਗ 400 ਘਰ ਅਜੇ ਵੀ ਬਿਜਲੀ ਤੋਂ ਬਿਨਾਂ ਹਨ। ਐਲਪਾਈਨ ਐਨਰਜੀ ਦਾ ਕਹਿਣਾ ਹੈ ਕਿ ਪ੍ਰਭਾਵਿਤ ਖੇਤਰ ਵਾਈਮੇਟ ਅਤੇ ਰੰਗੀਟਾਟਾ ਦੇ ਆਲੇ-ਦੁਆਲੇ ਹਨ। ਉਨ੍ਹਾਂ ਦੇ ਅਮਲੇ ਹਾਲਾਤਾਂ ਦੇ ਆਧਾਰ ‘ਤੇ ਅੱਜ ਦੁਪਹਿਰ ਤੱਕ ਬਿਜਲੀ ਬਹਾਲ ਕਰਨ ਦਾ ਟੀਚਾ ਰੱਖ ਰਹੇ ਹਨ। ਓਰੀਅਨ ਵੱਲੋਂ ਜਾਰੀ ਜਾਣਕਾਰੀ ਮੁਤਾਬਿਕ ਉਨ੍ਹਾਂ ਦੇ ਖੇਤਰ ਵਿੱਚ ਸਿਰਫ਼ 30 ਤੋਂ ਵੱਧ ਘਰ ਬਿਜਲੀ ਤੋਂ ਬਿਨਾਂ ਹਨ, ਮੁੱਖ ਤੌਰ ‘ਤੇ ਆਰਥਰ ਪਾਸ ਅਤੇ ਰਾਕਾਈਆ ਗੋਰਜ ਦੇ ਆਲੇ-ਦੁਆਲੇ।