ਆਕਲੈਂਡ: ਨਿਊਜ਼ੀਲੈਂਡ ਦੇ ਮਨੂਰੇਵਾ ਇਲਾਕੇ ਵਿੱਚ ਪਿਛਲੇ ਸਾਲ ਹੋਈਆਂ ਸਥਾਨਕ ਚੋਣਾਂ ਦੌਰਾਨ ਕਥਿਤ ਵੋਟ ਧਾਂਦਲੀ ਦੀ ਜਾਂਚ ਨੇ ਸਨਸਨੀਖੇਜ਼ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।
ਜਾਂਚ ਦੌਰਾਨ ਇੱਕੋ ਸੜਕ ਨਾਲ ਜੁੜੀਆਂ ਘੱਟੋ-ਘੱਟ 12 ਸ਼ੱਕੀ ਵੋਟਾਂ ਸਾਹਮਣੇ ਆਈਆਂ ਹਨ। ਸਭ ਤੋਂ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਇਨ੍ਹਾਂ ਵਿੱਚੋਂ ਇੱਕ ਵੋਟ ਅਜਿਹੀ ਔਰਤ ਦੇ ਨਾਮ ’ਤੇ ਦਰਜ ਹੋਈ, ਜਿਸ ਦੀ 2022 ਵਿੱਚ ਹੀ ਮੌਤ ਹੋ ਚੁੱਕੀ ਸੀ।
ਇਹ ਮਾਮਲਾ ਦੱਖਣੀ ਆਕਲੈਂਡ ਵਿੱਚ ਕਥਿਤ ਵੋਟ ਰਿਗਿੰਗ ਅਤੇ ਬੈਲਟ ਪੇਪਰਾਂ ਨਾਲ ਛੇੜਛਾੜ ਦੇ ਦੋਸ਼ਾਂ ਦੀ ਚੱਲ ਰਹੀ ਜਾਂਚ ਦਾ ਹਿੱਸਾ ਹੈ। ਇੱਕ ਵਿਸਲਬਲੋਅਰ ਵੱਲੋਂ ਚੋਣਾਂ ਵਿੱਚ ਵੱਡੇ ਪੱਧਰ ’ਤੇ ਧਾਂਦਲੀ ਦੇ ਦਾਅਵੇ ਕੀਤੇ ਜਾਣ ਤੋਂ ਬਾਅਦ ਜਾਂਚ ਹੋਰ ਗੰਭੀਰ ਹੋ ਗਈ ਹੈ।
ਹੁਣ ਅਧਿਕਾਰੀ ਇਹ ਪਤਾ ਲਗਾਉਣ ਵਿੱਚ ਜੁਟੇ ਹਨ ਕਿ ਇਨ੍ਹਾਂ ਵੋਟਾਂ ਦੇ ਪਿੱਛੇ ਸਿਰਫ਼ ਗਲਤੀ ਸੀ ਜਾਂ ਜਾਣਬੁੱਝ ਕੇ ਕੀਤੀ ਗਈ ਕੋਈ ਸਾਜ਼ਿਸ਼? ਨਾਲ ਹੀ ਇਹ ਵੀ ਜਾਂਚਿਆ ਜਾ ਰਿਹਾ ਹੈ ਕਿ ਕਥਿਤ ਧਾਂਦਲੀ ਦਾ ਚੋਣ ਨਤੀਜਿਆਂ ’ਤੇ ਕੋਈ ਅਸਰ ਪਿਆ ਸੀ ਜਾਂ ਨਹੀਂ।
ਅਸਲ ਸੱਚ ਜਾਂਚ ਪੂਰੀ ਹੋਣ ਤੋਂ ਬਾਅਦ ਹੀ ਸਾਹਮਣੇ ਆਵੇਗਾ।