ਆਕਲੈਂਡ ਦੇ ਉਪਨਗਰ ਐਵੋਨਡੇਲ ਵਿੱਚ ਬੀਤੀ ਰਾਤ ਲੋਕਾਂ ਨੂੰ ਪਾਣੀ ਦੀ ਕਿੱਲਤ ਦਾ ਸਾਹਮਣਾ ਕਰਨਾ ਪਿਆ ਹੈ। ਇੱਥੇ ਪਾਣੀ ਦੀ ਮੁੱਖ ਪਾਈਪ ਫਟਣ ਕਾਰਨ ਸਪਲਾਈ ਬੰਦ ਹੋ ਗਈ ਸੀ। ਫਾਇਰ ਐਂਡ ਐਮਰਜੈਂਸੀ ਨੇ ਕਿਹਾ ਕਿ ਰੋਜ਼ਬੈਂਕ ਰੋਡ ‘ਤੇ ਮੁੱਖ ਪਾਈਪ ਲਾਈਨ ‘ਚ ਸਮੱਸਿਆ ਆਈ ਸੀ। ਮੰਗਲਵਾਰ ਨੂੰ ਲਗਭਗ 12.30 ਵਜੇ ਅਮਲੇ ਉੱਥੇ ਗਏ ਸਨ ਅਤੇ ਮੁਰੰਮਤ ਸ਼ੁਰੂ ਕੀਤੀ ਸੀ। ਇਸ ਦੌਰਾਨ ਲਗਭਗ ਤਿੰਨ ਘੰਟੇ ਦਾ ਸਮਾਂ ਲੱਗਿਆ ਸੀ। ਆਕਲੈਂਡ ਦੇ ਪਾਣੀ ਪ੍ਰਦਾਤਾ ਵਾਟਰਕੇਅਰ ਨੇ ਕਿਹਾ ਕਿ ਉਨ੍ਹਾਂ ਨੇ ਪਾਈਪ ਫਟਣ ਕਾਰਨ ਪ੍ਰਭਾਵਿਤ ਹੋਏ ਲਗਭਗ 40 ਘਰਾਂ ਨੂੰ ਸਪਲਾਈ ਬਹਾਲ ਕਰ ਦਿੱਤੀ ਹੈ।
