ਆਕਲੈਂਡ ਦੇ ਸਿਲਵਰਡੇਲ ਉਪਨਗਰ ‘ਚ ਇੱਕ ਬੱਸ ਸ਼ਰਾਬ ਦੀ ਦੁਕਾਨ (ਠੇਕੇ) ”ਚ ਵੱਜਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਅੱਗ ਬੁਝਾਊ ਅਤੇ ਐਮਰਜੈਂਸੀ ਵਿਭਾਗ ਨੂੰ ਰਾਤ 8 ਵਜੇ ਦੇ ਕਰੀਬ ਘਟਨਾ ਸਥਾਨ ‘ਤੇ ਬੁਲਾਇਆ ਗਿਆ ਸੀ। ਇਸ ਦੌਰਾਨ ਚਾਰ ਫਾਇਰ ਟਰੱਕ ਅਤੇ ਇੱਕ ਸਹਾਇਤਾ ਵਾਹਨ ਘਟਨਾ ਸਥਾਨ ‘ਤੇ ਹਨ। ਸਿਲਵਰਡੇਲ ਲਿਕਰ ਸੈਂਟਰ ਦੇ ਮਾਲਕ – ਜੋ ਹਾਦਸੇ ਸਮੇਂ ਮੌਕੇ ‘ਤੇ ਨਹੀਂ ਸਨ – ਨੇ ਕਿਹਾ ਕਿ ਉਨ੍ਹਾਂ ਨੂੰ ਦੱਸਿਆ ਗਿਆ ਸੀ ਕਿ ਬੱਸ ਉਨ੍ਹਾਂ ਦੀ ਇਮਾਰਤ ਨਾਲ ਟਕਰਾ ਗਈ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦਾ ਸਟੋਰ ਅਤੇ ਨਾਲ ਲੱਗਦੇ ਬੈਂਡਨ ਸਟੋਰ ਦੋਵੇਂ ਪ੍ਰਭਾਵਿਤ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਰਾਹਤ ਵਾਲੀ ਗੱਲ ਹੈ ਕਿ ਉਨ੍ਹਾਂ ਦੀ ਦੁਕਾਨ ਦੇ ਅੰਦਰ ਕੋਈ ਵੀ ਕਰਮਚਾਰੀ ਜ਼ਖਮੀ ਨਹੀਂ ਹੋਇਆ ਹੈ। ਉੱਥੇ ਹੀ ਪੁਲਿਸ ਨੇ ਕਿਹਾ ਕਿ ਦੋ ਲੋਕਾਂ ਨੂੰ ਦਰਮਿਆਨੀਆਂ ਸੱਟਾਂ ਲੱਗੀਆਂ ਹਨ।
