ਨਿਊਜ਼ੀਲੈਂਡ ਦੇ ਵਾਈਪਾ ਜ਼ਿਲ੍ਹੇ ਦੇ ਕੈਂਬ੍ਰਿਜ਼ ਇਲਾਕੇ ਵਿੱਚ ਮੰਗਲਵਾਰ ਤੜਕੇ ਇੱਕ ਕਾਰ ਦੇ ਬਿਜਲੀ ਦੇ ਖੰਭੇ ਨਾਲ ਵੱਜਣ ਕਾਰਨ ਕਈ ਇਲਾਕਿਆਂ ਵਿੱਚ ਬਿਜਲੀ ਸਪਲਾਈ ਬੰਦ ਹੋ ਗਈ ਹੈ। ਹਾਦਸਾ ਕੈਂਬ੍ਰਿਜ਼ ਰੋਡ ‘ਤੇ ਰਾਤ ਕਰੀਬ 2:30 ਵਜੇ ਵਾਪਰਿਆ, ਜਿਸ ਤੋਂ ਬਾਅਦ ਐਮਰਜੈਂਸੀ ਸੇਵਾਵਾਂ ਨੂੰ ਤੁਰੰਤ ਮੌਕੇ ‘ਤੇ ਭੇਜਿਆ ਗਿਆ। ਪੁਲਿਸ ਮੁਤਾਬਿਕ ਇਸ ਹਾਦਸੇ ਵਿੱਚ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਕੋਈ ਸੂਚਨਾ ਨਹੀਂ ਮਿਲੀ। ਬਿਜਲੀ ਸਪਲਾਈ ਸੰਭਾਲਣ ਵਾਲੀ ਕੰਪਨੀ Waipā Networks ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਕਾਈਪਾਕੀ, ਪੈਰਾਲਲ ਰੋਡ, ਤੇ ਆਵਾਮੂਤੂ/ਕੈਂਬ੍ਰਿਜ਼ ਰੋਡ ਅਤੇ ਵਾਲੇਸ ਰੋਡ ਇਲਾਕਿਆਂ ਦੀ ਬਿਜਲੀ ਪ੍ਰਭਾਵਿਤ ਰਹੀ। ਕੰਪਨੀ ਵੱਲੋਂ ਬਿਜਲੀ ਮੁੜ ਬਹਾਲ ਕਰਨ ਲਈ ਮੁਰੰਮਤ ਕੰਮ ਜਾਰੀ ਹੈ।
