ਸ਼ੁੱਕਰਵਾਰ ਸਵੇਰੇ ਆਕਲੈਂਡ ਦੇ ਕਰਨਗਾਹੇਪ ਰੋਡ ‘ਤੇ ਇੱਕ ਹੈਰਾਨੀਜਨਕ ਘਟਨਾ ਵਾਪਰੀ ਦਰਅਸਲ ਇੱਥੇ ਜਦੋਂ ਇੱਕ ਡਰਾਈਵਰ ਆਰਡਰ ਕੀਤਾ ਖਾਣਾ ਲੈਣ ਲਈ ਗਿਆ ਤਾਂ ਪਿੱਛੋਂ ਕਿਸੇ ਨੇ ਉਸ ਦੀ ਕਾਰ ਹੀ ਚੋਰੀ ਕਰ ਲਈ। ਹਾਲਾਂਕਿ ਕਥਿਤ ਤੌਰ ‘ਤੇ ਵਾਹਨ ਚੋਰੀ ਹੋਣ ਤੋਂ ਬਾਅਦ ਦੋ ਲੋਕਾਂ ਨੂੰ ਗ੍ਰਿਫ਼ਤਾਰ ਵੀ ਕਰ ਲਿਆ ਗਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਲਗਭਗ 12.25 ਵਜੇ ਇੱਕ ਵਾਹਨ ਚੋਰੀ ਹੋਣ ਦੀ ਰਿਪੋਰਟ ਮਿਲੀ ਸੀ, ਆਕਲੈਂਡ ਸਿਟੀ ਪੁਲਿਸ ਦੇ ਸੀਨੀਅਰ ਸਾਰਜੈਂਟ ਟੋਨੀ ਟਰਨਰ ਨੇ ਕਿਹਾ ਕਿ ਪੁਲਿਸ ਨੇ ਤੁਰੰਤ ਵਾਹਨ ਦਾ ਪਤਾ ਕੀਤਾ ਤਾਂ ਇਹ ਨਿਊ ਨੌਰਥ ਰੋਡ, ਮੌਰਨਿੰਗਸਾਈਡ ਅਤੇ ਕਿੰਗਸਲੈਂਡ ‘ਤੇਸਫ਼ਰ ਕਰ ਰਿਹਾ ਸੀ ਇਸ ਮਗਰੋਂ “ਈਗਲ ਹੈਲੀਕਾਪਟਰ ਦੀ ਸਹਾਇਤਾ ਨਾਲ ਪੁਲਿਸ ਇਕਾਈਆਂ ਨੇ ਜਲਦੀ ਜਵਾਬ ਦਿੱਤਾ ਅਤੇ ਵਾਹਨ ਨੂੰ ਰੋਕਣ ਦੇ ਯੋਗ ਹੋ ਗਏ।” ਇਸ ਮਗਰੋਂ ਦੋ ਸਵਾਰਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ। ਪੁਲਿਸ ਨੇ ਇੱਕ 41 ਸਾਲਾ ਔਰਤ ‘ਤੇ ਗੈਰ-ਕਾਨੂੰਨੀ ਤੌਰ ‘ਤੇ ਮੋਟਰ ਵਾਹਨ ਚਲਾਉਣ ਅਤੇ ਜ਼ਿਆਦਾ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦਾ ਦੋਸ਼ ਲਾਇਆ ਹੈ।
