ਨਿਊਜ਼ੀਲੈਂਡ ਦੇ ਕੈਂਟਰਬਰੀ ਖੇਤਰ ਵਿੱਚ ਐਸ਼ਬਰਟਨ ਨੇੜੇ ਇੱਕ ਖਰਾਬ ਅਤੇ ਖੱਡਿਆਂ ਨਾਲ ਭਰੀ ਸੜਕ ‘ਤੇ ਹੋਏ ਭਿਆਨਕ ਟਰੱਕ ਹਾਦਸੇ ਵਿੱਚ 8 ਪਸ਼ੂਆਂ (ਗਾਵਾਂ ) ਦੀ ਮੌਤ ਹੋ ਗਈ, ਜਦਕਿ ਦੋ ਲੋਕ ਜਖ਼ਮੀ ਹੋਏ ਹਨ। ਇਹ ਹਾਦਸਾ ਉਸੇ ਹਫ਼ਤੇ ਵਾਪਰਿਆ ਜਿਸ ਦੌਰਾਨ ਸੜਕ ਦੀ ਮੁਰੰਮਤ ਕੀਤੀ ਜਾਣੀ ਸੀ। ਜਾਣਕਾਰੀ ਮੁਤਾਬਿਕ livestock truck ਅਤੇ trailer 20 ਅਪ੍ਰੈਲ ਦੀ ਸ਼ਾਮ ਕਰੀਬ 6:40 ਵਜੇ Beach Road ਉੱਤੇ ਪਲਟ ਗਿਆ। ਹਾਦਸੇ ਵਿੱਚ ਕੁਝ ਪਸ਼ੂ ਮੌਕੇ ‘ਤੇ ਹੀ ਮਰ ਗਏ ਜਦਕਿ ਹੋਰਾਂ ਨੂੰ ਬਾਅਦ ਵਿੱਚ euthanise ਕਰਨਾ ਪਿਆ ਹਾਦਸੇ ਵਿੱਚ ਇੱਕ ਵਿਅਕਤੀ ਨੂੰ ਦਰਮਿਆਨੀ ਦਰਜੇ ਦੀਆਂ ਸੱਟਾਂ ਲੱਗੀਆਂ, ਜਦਕਿ ਦੂਜੇ ਨੂੰ ਹਲਕੀਆਂ ਸੱਟਾਂ ਆਈਆਂ ਹਨ।
Ashburton District Council ਦੇ infrastructure group manager Neil McCann ਨੇ ਕਿਹਾ ਕਿ ਕੌਂਸਲ ਨੂੰ ਸੜਕ ਦੀ ਮਾੜੀ ਹਾਲਤ ਬਾਰੇ ਪਹਿਲਾਂ ਤੋਂ ਜਾਣਕਾਰੀ ਸੀ। ਉਨ੍ਹਾਂ ਦੱਸਿਆ ਕਿ ਉਸ ਹਫ਼ਤੇ ਮੁਰੰਮਤ ਦਾ ਕੰਮ ਹੋਣਾ ਸੀ ਪਰ ਖਰਾਬ ਮੌਸਮ ਕਾਰਨ ਇਹ ਕੰਮ ਟਾਲਣਾ ਪਿਆ। ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਸਚੇਤ ਕਰਨ ਲਈ warning signs ਲਗਾਏ ਗਏ ਸਨ ਅਤੇ 55 ਕਿਲੋਮੀਟਰ ਪ੍ਰਤੀ ਘੰਟਾ ਦੀ advisory speed limit ਵੀ ਲਾਗੂ ਕੀਤੀ ਗਈ ਸੀ। Transporting New Zealand ਦੇ industry adviser Jim Crouchley ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਕੀਤੀ ਗਈ ਜਾਂਚ ਵਿੱਚ ਸੜਕ ਦੀ ਹਾਲਤ ਇੱਕ ਵੱਡਾ ਕਾਰਨ ਸਾਹਮਣੇ ਆਈ। ਉਨ੍ਹਾਂ ਮੁਤਾਬਿਕ ਸੜਕ ‘ਤੇ ਗੰਭੀਰ potholes, ਧੱਸਣ ਵਾਲੇ ਹਿੱਸੇ ਅਤੇ ਫਿਸਲਣ ਵਾਲੀ ਸਤ੍ਹਾ ਸੀ, ਜੋ ਵਾਹਨ ਦੀ steering ਅਤੇ traction ਨੂੰ ਪ੍ਰਭਾਵਿਤ ਕਰ ਰਹੀ ਸੀ।
ਉਨ੍ਹਾਂ ਇਹ ਵੀ ਕਿਹਾ ਕਿ ਕਈ transport operators ਨੇ Beach Road ਦੀ ਹਾਲਤ ਬਾਰੇ ਚਿੰਤਾ ਜਤਾਈ ਸੀ। ਕੁਝ ਦਾ ਮੰਨਣਾ ਸੀ ਕਿ Seafield Road ‘ਤੇ ਚੱਲ ਰਹੇ ਲੰਬੇ ਸਮੇਂ ਦੇ roadworks ਕਾਰਨ heavy vehicles ਦਾ ਦਬਾਅ Beach Road ‘ਤੇ ਵੱਧ ਗਿਆ ਸੀ। ਦੂਜੇ ਪਾਸੇ ਕੌਂਸਲ ਨੇ ਦੱਸਿਆ ਕਿ Seafield Road ਦਾ ਕੰਮ ਹੁਣ ਮੁਕੰਮਲ ਹੋ ਗਿਆ ਹੈ ਅਤੇ ਇਹ ਸੜਕ ਵੀਰਵਾਰ ਤੋਂ ਆਵਾਜਾਈ ਲਈ ਖੋਲ੍ਹ ਦਿੱਤੀ ਜਾਵੇਗੀ।